सागर संगम रौतहट , साओन १७ । रौतहटके देवाही गोनाही नगरपालिका वडा न ९ मे आर्थिक वर्ष २०७५/७६ के बाल पोषण भत्ता आजु शुक्रके दिन बितरण भेल हए । देवाही गोनाही नगरपालिका वडा न ९ धरहरीके वडा अध्यक्ष राजेश साहके अध्यक्षतामे तिसराके चौमाशिक बाल पोषण भत्ता हरेक महिना ४०० सयके दरसे बच्चासब के १६००/१६०० सय रुपैयाके दरसे बितरण कएलगेल हए । वडा न ९ धरहरीमे सब पार्टीके जनप्रतिनिधी,समाजसेवी आ गाँवके भलादमी सबके आगुमे जम्मा ५०० सयके लगभगमे रहल बच्चासबके उ बाल पोषण भत्ता बितरण कएल गेल हए । आइसही बितल मंगर आ बुधके दिन बुहर पुरनिया आ जेठलोगके भि बृद्ध भत्ता बितरण कएल गेल रहे । बितरण कार्यक्रममे जेठलोगके हरेक महिना दुइ हजारके दरसे चार महिनाके आठ हजार आ बुहर आ बिधवा भेल ओरतसबके चार हजार भत्ता बितरण कएले स्थानिय सरोज गुप्ता जानकारी देले छत ।

0 0 votes
Article Rating
Subscribe
Notify of
guest
0 Comments
Inline Feedbacks
View all comments