राजनिति


उखके भुक्तानी नहोएलासे धानखेती करेमे किसानके होरहल हए समस्या

राजनिति 38 पटक पढिएको बज्जिका संवादाता २०७४ श्रावन ०१ आइतवार


उखके भुक्तानी नहोएलासे धानखेती करेमे किसानके होरहल हए समस्या


रौतहटके गरुडा स्थित श्रीराम सुगर मिल्स लिमिटेड किसानके भुक्तानी नदेलापर धान खेतीमे समस्या होरहल देखलगेल हए । उखके मुल्य उद्योग भुक्तानी नकएलासे रौतहटके एक हजारसे बेसी किसानके धान रोपनीमे समस्या होरहल हए ।

धान खेतीमे आसानीके लेल उख उत्पादक संघ रौतहट किसानके बक्यौता रकमके भुक्तानी देबाबेला वारम्बार तगादा कएले हए । धान खेतीके लेल किसानके रकमके अभाव होएलापर संघ तिन हप्ता  पहिलेसे ही आन्दोलन कररहल हए । विगत तिन आर्थिक बर्षके करिब २७ करोड रुपैया वाँकी रहल कहइत तत्काल भुक्तानीके माग कएलापर उद्योगके ओर कौनो सुनवाइ नहोएलाके बाद गत असार ५ गतेसे उद्योगमे कएलगेल तालाबन्दी अभीतक जारी हए । उद्योगके मुख्य प्रवेशद्वार आ गोदाममे तालाबन्दी होएलासे उद्योगके निकासी आ पैठारी ठप्प भेल हए । उद्योग किसानके समस्या नवुझके आलटाल कररहल उख उत्पादक संघके अध्यक्ष अशोक राय यादव बतएले छत । सरकार उखके नगदेवालीके रुपमे घोषणा कएलाके बाद भी उद्योग उधारे उख किनके किसानके भुक्तानी देबेमे आनाकानी करइत उखके उधार बाली बनएले संघके कोषाध्यक्ष मनोज कुमार सहनी आरोप लगएले छत । समयपर उखके भुक्तानी मिललापर किसान धानखेतीके गरज टारेमे समस्या नहोएके कोषाध्यक्ष सहनीके तर्क हए । धमाधम रोपनी कररहल रौतहटके किसानके खाद, किटनाशक दबाइ, मजदुरी, जोताइ लगायतके काममे पैसाके जरुरत हए लेकिन किसानके पैसा आबेके रास्ता ही उद्योग बन्द कएले गढीमाई गाँओपालिका वार्ड नम्बर ४ संग्रामपुरके किसान रामदेव राउतके आरोप रहल हए । श्रीराम सुगर मिल्सके उख प्रबन्धक सियाराम साह उद्योग चालु आर्थिक बर्षके बक्यौता रकम भुक्तानी तालिका अनुसार किसानके करचुकल आ बितल दू आर्थिक वर्षके पुरान रकम कुछे दिनमे भुक्तानी करेके तालिका सार्वजनिक करेके बतएले छत ।





कमेन्टसहरु



सम्बन्धित शिर्षक समाचारहरु



विद्यायक फुलबाबुके गढिमाई नपाके मेयर यादवद्धारा भव्य सम्मान

नयाँ गम्हरीया हाई स्कुलमे सरस्वतिके मन्दिर निर्माण करेके रौतहट क्षेत्र नं ४ के खके विद्यायक फुलबाबुके घोष्णा

प्रदेश नं २ मे फोरमके नेतृत्वमे हि सरकार बनेके आ उ सरकार मधेशी जनताके हर सपना सकार करेके रौतहट क्षेत्र नं १ के खके विद्यायक योगेन्द्र यादवके ठोकुवा

मिठुअवामे आजु कम्बल वितरण

सार्वजनिक लेखापरिक्षण कार्यक्रम

एक दिने निशुल्क आखा शिविर

मधेशमे हि सपथ ग्रहन करेके :- विद्यायक योगेन्द्र यादव

राजनीतिक स्थिरताके लेल प्रचण्डके नेतृत्वमे वाम सरकार उपयुक्त :- मन्त्री प्रभु साह

गरुडाके चिनी मिल चलेके अभी भी अनिश्चित, एतबारके वार्ता भेल असफल
1 2 3 4 NEXT
Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

65238
Times Visited.



Copyright © 2015, All Rights Reserved !
Powered by :
Top