वृहस्पतीके नयाँ तस्वीर सार्वजनीक कएले हए नासा
बिज्ञान प्रबिधि


वृहस्पतीके नयाँ तस्वीर सार्वजनीक कएले हए नासा

बिज्ञान प्रबिधि 1 पटक पढिएको बज्जिका संवादाता २०७४ श्रावन ०२ सोमबार




राैतहट । अमेरिकी अन्तरीक्ष संस्था नासा सौर्यमण्डलके सबसे लम्हर ग्रह बृहस्पतीके नयाँ तस्वीर सार्वजनिक कएले रहे । जूनो नामक भूउपग्रहसे खिचल गेल नयाँ तस्वीरसव नासा सार्वजनिक कएले हए । ई तस्वीरसवमे वृहस्पतीके दुनु ध्रुवमे ग्यासके लम्हर लम्हर बादलसव घुमईत रहेके नासा जनएले हए ।

ऐसे पहिले वृहस्पती ग्रहके कओनो भी तस्वीरमे अईसन  बादल नदेखल गेल हए । 

वितल जुलाई ५ मे वृहस्पतीके कक्षमे स्थापित भेलसाथे जूनो नाम स्याटेलाइट पहिलवेर बृहस्पतीके नजदिक नजदिक पुगके उक्त ग्रहके विभिन्न तरहके तस्वीर तथा और भी जानकारीसव बटोर गेल हए । 

बृहस्पतीके उत्पत्ति तथा विकाशके साथे सौर्यमण्डलके रहस्य पत्ता लगावेला नासा जूनो नामक भुउपग्रह प्रक्षेपण कएले रहे ।  बृहस्पतीके कक्षमे रहलापर ई स्याटेलाइट ग्रहके बनावट, तापक्रम, गति लगायतके तथ्यसव पत्ता लगाई । 

ऐसे वृहस्पतीमे रहल लम्हर दाग तथा उहाँ उठेवाला तुफानसवके वारेमे भी जानकारी वटोरी । जूनो अभि एक अण्डाकार मार्गमे घुमईत बृहस्पतीके नजदिकसे गुजररहल हए । ऐकरा वृहस्पतीके एकवेर परिक्रमा करेला ५३ दिन लागईत हए ।  सन् २०१८ के फेब्रुअरीमे जूनो बृहस्पतीमे ही नष्ट होई । ओसे पहिले तक उ ई  ग्रहके बारेमे विभिन्न महत्वपूर्ण जानकारी जुटावेके विश्वास वैज्ञानिकसवके रहल हए । 






कमेन्टसहरु



Sangam Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

21365
Times Visited.



Copyright © 2015, All Rights Reserved !
Powered by :
Top