दोसरका बज्जिका यात्राके गरूडासे शुरू
भाषा/संस्कृति


दोसरका बज्जिका यात्राके गरूडासे शुरू

भाषा/संस्कृति 4 पटक पढिएको दिनेश संगम


दोसरका बज्जिका यात्राके गरूडासे शुरू


राैतहट, साअाेन ०६ । बज्जिका साहित्य संगमके आयोजनामे दुसरका बज्जिका यात्राके अाजु शुकरवारके दिनसे शूरू भेल हए । २०७२ सालमे सम्पन्न दू दिवसीय बज्जिका यात्राके बाद २०७४ मे दुसरका बज्जिका यात्रा होरहल हए । बज्जिका साहित्य संगमके अगुवाइमे बज्जिका भाषा आ साहित्यसे सम्बन्धित एगो टोली भारतके बज्जिकासेवी लोगसे भेटघाट करेके कार्यक्रम तय भेल हए ।
शुक्रबार सबेरे रौतहटके गरुडासे शूरू भेल बज्जिका भाषासेवी लोगके एगो टोली बिहारके सीतामढी, जबाही, मुजफरपुर, वैशाली आ सम्भव होएलातक दरभंगा पुगके विभिन्न ऐतिहासिक जगह आ बज्जिकाके प्रमुख सेवक लोगसे भेटघाट करेके कार्यक्रम तय भेल हए । भारतीय बज्जिकाके भीष्म पितामह तथा बज्जिका रामायणके लेखक डा. अवधेश्वर अरुण, बज्जिका पत्रकार तथा साहित्यकार डा. व्रजनन्दन वर्मा, बज्जिका पत्रकार जे. बल्लभ, बज्जिकाके वरिष्ठ साहित्यकार डा. रमण शान्डिल्य, कवि रामकिशोर सिंह चकवासे भेटघाट करेके समय तय कएलगेल हए । अन्य थप साहित्यकार लोगसे भेटघाट आ छलफल होएके भी सम्भावना रहल हए । अइसही बज्जिका भाषाके जन्मसे सम्बन्धित मानेजाएबाला वैशालीके पुरातात्विक स्थानतर भी पहुँचेके कार्यक्रम रहल आयोजक जनएले हए । नेपालसे जाएबाला टोलीमे बज्जिका साहित्य संगमके अध्यक्ष श्याम सहनी चन्द्रांशु,  बज्जिका पत्रकार संघ नेपालके अध्यक्ष राजेश्वर पान्डे, बज्जिका संस्कृतिके क्षेत्रमे कलम चलाबेबाला किशुन दयाल यादव, बज्जिका कवि सञ्जय सुदामा, राम अधार पासवान, भोला पासवान तथा सञ्जय मित्र सहभागी रहल आयोजक जनएले हए । बज्जिका यात्राके अवसरपर दुनु देशके बज्जिका भाषाके विकासमे होरहल प्रगतिके विषयमे दुपक्षीय छलफल आ बज्जिका भाषापर प्रकाशित कृतिके आदानप्रदान होइत आएल हए ।



कमेन्टसहरु



Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

41067
Times Visited.



Copyright © 2015, All Rights Reserved !
Powered by :
Top