स्वास्थ्य चौकीके लेल मलाहीमे एकजने साठ लाखसे बेसीके जमिन कएले हए निशुल्क दान
राजनिति


स्वास्थ्य चौकीके लेल मलाहीमे एकजने साठ लाखसे बेसीके जमिन कएले हए निशुल्क दान

राजनिति 6 पटक पढिएको


स्वास्थ्य चौकीके लेल मलाहीमे एकजने साठ लाखसे बेसीके जमिन कएले हए निशुल्क दान


राैतहट, असार २९ । रौतहटके गरुडा नगरपालिका वार्ड नम्बर ३ मलाहीके एकजने साठ लाख रुपैयासे बेसी मूल्य परेबाला जमिन निशुल्क दान कएले हए । मलाहीके विलासीराम सहनी अपन निजी सात कठा जमिन स्वास्थ्य चौकीके भवन निर्माण करेला निशुल्क उपलब्ध करएले छत ।

निशुल्क उपलब्ध भेल जमिन बुधवार गरुडा नगरपालिकाके नाओपर पास भेल गरुडा नगरपालिकाके कार्यकारी अधिकृत दीपेश झा जानकारी करएले छत । 

साठ लाखसे बेसीके जमिन निशुल्क उपलब्ध करएलापर सहनीके नगरपालिकाके ओरसे सम्मानित कएलगेल कार्यकारी अधिकृत झा बतएले छत । गाँओमे स्वास्थ्य चौकीके लेल भवनके अभाव होएल अवस्थामे बहुत दिनसे स्वास्थ्य चौकीके लेल जमिनके खोजी होरहल लेकिन कौनो देबेला तैयार नभेल अवस्थामे सहनी जमिन उपलब्ध करएले मलाही स्वास्थ्य चौकीके प्रमुख कैलाश राय यादव बतएले छत । जमिन उपलब्ध होएलासे अब स्वास्थ्य चौकीके निर्माण निश्चित भेल हए । अभीतक गाविसके कार्यालयमे ही स्वास्थ्य सेवा उपलब्ध होते आरहल प्रमुख यादवके कहनाम हए । अपना मनमे दानके भावना जागल आ समाजसेवाके भावनासे अपने सात कठा जमिन दान कएले विलासीराम सहनीके कहनाम हए । तीनगो लडकाके पिता रहल सहनी अपने घरपरिवारके सलाहसे ही स्वास्थ्य चौकीके भवन बनाबेला जमिन दान कएले बतएले छत । गरुडास्थित मालपोत कार्यालयमे गरुडा नगरपालिकाके नाओपर जमिन दान करेके बेरिया घरपरिवारके अन्य सदस्य लोगके भी उपस्थिति रहल सहनी बतएले छत । जमिन दान कएलापर अपनाके गर्व महसुस होरहल सहनीके कहनाम हए ।





कमेन्टसहरु



Sangam Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

21385
Times Visited.



Copyright © 2015, All Rights Reserved !
Powered by :
Top