समाज


दलितके घरघर अपने पुगके डा. गोविन्द केसी डेढ सय परिवारमे बँटले छत कपडा

समाज 1 पटक पढिएको वज्जिका वाणी


दलितके घरघर अपने पुगके डा. गोविन्द केसी डेढ सय परिवारमे बँटले छत कपडा


रौतहट, माध ०४ । डा. गोविन्द केसी रौतहटके कुछ गाँओमे पुगके अपने गरम कपडा वितरण कएले छत । डा. केसी गढीमाई नगरपालिकाके सुन्दरपुर, समनपुर, टोकार, लक्ष्मीपुर, हथिऔल, हरैया आ वृन्दावन नगरपालिकाके पल्टुआ लगायतके गाँओमे पुगके डोम, दुसाद, चमार, मुहसर, सरभंग जातके अत्यन्त विपन्न परिवारमे कमर, ज्याकेट, टोपी, स्वीटर, साडी,

ट्राउजर, बिस्कुट, चकलेट वितरण करएले छत । डा केसी एक सय कमर आ डेढ सयसे बेसी ज्याकेटलगायतके अन्य गरम कपडा वितरण कएले छत । डा. केसीके टोलीमे डा। अभिषेकराज सिंह आ डा. तोसिमा कार्की भी रहल छत । डा. केसीके टोली समनपुरमे रहल प्राथमिक स्वास्थ्य केन्द्रमे निशुल्क स्वास्थ्य शिविरके आयोजन भी कएले हए । शुक्रबारतक चलेबाला शिविरके पहिल दिन पचास जने इलाज करएले डा. सिंह बतएले छत । शिविरमे हाडजोर्नी तथा नशा रोगके साथे ठन्ढीसे होएबाला बोखार, सर्दी, निमोनिया, दम लगायतके समस्या बेसी देखलगेल डा। सिंह जानकारी करएले छत ।ठन्ढीसे बचके रहेके आग्रह कएलेछत डा केसी

स्टिल मैन आ अनसन पुरुषके रुपमे परिचित डा। गोविन्द केसी ठन्ढीसे बचके रहेला आग्रह कएले   छत । विफेके दिन दिनभर रौतहटके गढीमाई नगरपालिकाके विभिन्न गाँओमे दलित परिवारसे भेट करइत डा। केसी ठन्ढीसे बचके रहेला आग्रह कएले छत । ठन्ढीसे आदमीके मृत्यु होरहल आ बहुत लोग बेमार होरहलासे लोगके गरम कपडा लगाके रहेके साथे मुख्य रुपसे लोगके अपनालगे रहल अन्य उपाय भी अपनाबेला डा केसी आग्रह कएले छत । अभीतक रौतहटमे २४ जनेके ठन्ढीके कारण मृत्यु होएलासे ठन्ढीसे बचके रहेला हुन आग्रह कएले छत ।






कमेन्टसहरु



Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

51354
Times Visited.



Copyright © 2015, All Rights Reserved !
Powered by :
Top