भाषा/संस्कृति


श्रीपञ्चमीके अवसरमे रौतहटमे आजु सरस्वति माताके श्रद्धा आ भक्तिपूर्वक कएलगेल हए पुजा

भाषा/संस्कृति 12 पटक पढिएको अाेमप्रकाश यादव


श्रीपञ्चमीके अवसरमे रौतहटमे आजु सरस्वति माताके श्रद्धा आ भक्तिपूर्वक कएलगेल हए पुजा


रौतहट, माघ ८ गते । आजु माघ ८ गते श्रीपञ्चमी यानिकी सरस्वति पुजा, विद्याके देवी सरस्वति माताके पुजाआजा कके मनाएलगेल हए । विद्याके देवी सरस्वति माताके आजु हर स्कुल, टिउसन आ घरघरमे पुजा कएलगेल देखलगेल हए । स्कुल आ टिउसनपर पढेवला विद्यार्थीके साथे और काममे पेशामे संलगन व्यक्ति भि आजु धुमधमासे सरस्वति माताके पुजा कएले हए ।

 आजु सरस्वति माताके पुजा कएलापर सरस्वति माता खुस होके विध्या देवले से जनविश्वासके साथ हरेक साल श्रीपञ्चमीके दिन सरस्वतिके विशेष पुजाआजा कएलजाईअ । सरस्वति पुजाके अवसरमे रौतहटके बहुत स्कुलमे आजु सांस्कृतिक जईसन विभिन्न कार्यक्रमके भि आयोजना कएलगेल रहे । हिन्दू आ बौद्ध दर्शनमे ज्ञानके देवीके रुपमे पूजा होएबाला सरस्वतीके पूजाके तयारी कुछ दिन पहिलहीसे कएलगेल रहे । विद्या, ज्ञान, कला, साहित्य, संगीत, गायन, नृत्य, चित्र लगातयके क्षेत्रमे लागल लोग सरस्वतीके पूजा अपने किसिमसे करेके प्राचीन परम्परा रहल हए । हर साल माघ महिनाके शुक्ल पक्षके पञ्चमीके दिन सरस्वतीके मूर्ति, फोटो चाहे कापी, कलम राखके पूजा करेके चलन हए । कला क्षेत्रमे लागल लोग सरस्वतीके प्रतीकके रुपमे कुचीके ही पूजा करइअ । कलाके कौनो क्षेत्रमे लागल लोगके लेल एगो महान पबनीके रुपमे रहल श्रीपञ्चमीके दिन विद्यार्थी लोग अत्यन्त धुमधामके साथे श्रद्धा आ भक्तिपूर्वक पूजा करेके चलन हए । 

रौतहटके शिवनगरमे लागल श्रीपञ्चमी मेला देखेला आ भोलेबाबासे दर्शन करेला दर्शनार्थीके लागल भिडभाड 

श्रीपञ्चमीके अवसरमे आजु रौतहटके धार्मिक स्थल शिवनगरमे भारी श्रीपञ्चमी मेला लागल रहे । मेला देखे आजु सबेरेसे साझतक लाखो आदमी शिवनगर पुगल रहे । मेला देखे आवेवला भक्तजनसव शिवनगरमे रहल महादेव मन्दिरमे भोलेबाबासे दर्शन भि कएले हए । भोलेबाबासे दर्शन करेके लेल शिवनगरमे आजु आदमीसवके बहुते धाकाधुकि होएके साथे बहुते भिरभार समेत लागल देखलगेल रहे । रौतहट जिलाके सबसे लमहर मेलाके रुपमे रहल शिवनगरस्थित शिवनगरमे भोलेबाबासे दर्शन करेला बहुते कामरनाथु भि उमरल रहे । जल ढारे हजारो कामरनाथु शिवनगरमे आएल हए । एतना ठंढीमे भी हजारो कमरनाथुके अनाइ बहुत आश्चर्यजनक हए । हर साल अत्यन्त दुख आ कष्ठ सहके हजारो कमरनाथु करिब एक महिनातक विभिन्न स्थानपर विभिन्न यज्ञ करइत शिवनगरमे पहुँचल हए । एतना जाढके बाबजुद भि कमरनाथु लोग शिवनगर धाममे दर्शन करे आएल देखलगेल रहे ।





कमेन्टसहरु



Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

60059
Times Visited.



Copyright © 2015, All Rights Reserved !
Powered by :
Top