समाज


हेल्थ ल्याण्ड होस्पिटलके दादागिरी, उपचारके नाममे प्रहरीसे मिलके मरेजीके ईक्छा आ भावना विपरीत कररहल हए काम ।

समाज 77 पटक पढिएको ओम प्रकाश यादव।




बैशाख ११ गते, रौतहट । रौतहटके गरुडामे रहल हेल्थ ल्याण्ड होस्पिटल प्रहरीसे मिलके दादागिरी कररहल हए । गरुडाके प्रहरीसे मिलके हेल्थ ल्याण्ड होस्पिटल कौनो भि मरेजीके दोसरा होस्पिटलमे नजाएदेके हेल्थ

ल्याण्ड होस्पिटलमे हि तानेके काम कररहल हए । हेल्थ ल्याण्ड होस्पिटलसे मिलल ईलाका प्रहरी कार्यालय गरुडाके प्रहरी भि जनताके न्याय देवेके बदला उलटे अन्याय कररहल हए । कुछ मरेजीके गरुडा प्रहरी बलजबरजस्ती दोसरा होस्पिटलमे नजाके हेल्थ ल्याण्डमे हि उपचार करावेला दवाव देलासे प्रहरी हेल्थ ल्याण्ड होस्पिटलसे मिलके उपचारके नाममे मरेजीके जानसे हि खेलवाड कररहल रहस्य खुल्ल हए । अपनाके अनामिका होस्पिटलमे उपचार करावेके विचार रहलाके बावजुद भि बल जबरदस्ती गरुडाके प्रहरी हेल्थ ल्याण्ड होस्पिटलमे हि उपचार करावेला डर त्रास देखएलावाद गरुडा प्रहरी हेल्थ ल्याण्डसे मिलके मरेजीके ईक्चा आ भावनासे खेलवाड कररहल रहस्य खुल्ल हए । गरुडामे अनामिका, हेल्थ ल्याण्ड आ रोमा होस्पिटल कके तिन गो बडका होस्पिटल रहल हए विरामी अपन मन जौन हेस्पिटलमे उपचार करासकई लेकिन हेल्थ ल्याण्ड होस्पिटलमे हि उपचार करावेला जबरजस्ती दवाव देनाई प्रहरीके गलत काम हए । गरुडा प्रहरी पैसाके लोभमे मरेजीके ईक्छा आ जानसे खेलवाड कररहल कहईत प्रहरी उपर प्रशन चिन्ह खडा भेल हए । उपचारके लेल अपने अनामिका होस्पिटलमे लेजाएला कहलापर भि गरुडा प्रहरी अनामिकामे उपचार नहोई कहईत बलजबरजस्ती हेल्थ ल्याण्डमे उपचार करावेला दबाव देले गरुडा नगरपालिका वार्ड नं जयनगरके शेख जुलफेकार बतएले हए । उपचारके लेल अनामिका होस्पिटलमे जाएके क्रममे हेल्थ ल्याण्ड होस्पिटलके सामने एम्बुलेन्स रोकके प्रहरी अनामिकामे नजाएदेके हेल्थ ल्याण्डमे लेगेल पिडित जुलफेकारके गुनासो हए । अईसही माधवनारायण नगरपालिका वार्ड नं १ दिपहीके रवि रंजन साह भि गरुडा प्रहरी आ हेल्थ ल्याण्ड होस्पिटल दादागिरी कररहल बतएले हए । साहके भि गरुडा प्रहरी हेल्थ ल्याण्ड होस्पिटलमे हि उपचार करावेला दबाव देले हए । अपन ईक्छा अनामिका होस्पिटलमे उपचार करावेके रहलाके बावजुद भि गरुडा प्रहरीके दबाव आ धम्कीके कारण डरसे हेल्थ ल्याण्ड होस्पिटलमे उपचार करावेमे बाध्य भेल रवि रंजन साहके कहनाम हए । गरुडामे रहल कुछ एम्बुलेन्सके चालक सव भि हेल्थ ल्याण्ड होस्पिटलसे मिलल बुझलगेल हए । एम्बुलेन्स चालकसव कौनो मरेजीके गरुडामे लेके अएलापर दोसरका होस्पिटलमे मरेजीके पहुचावेके नचाहरहल मरेजीके गुनासो हए । एम्बुलेन्सवलाके अपनेसव दोसरा होस्पिटलमे पुगावेला कहलापर भि विभिन्न बहाना बनाके एम्बुलेन्स चालक हेल्थ ल्याण्डमे हि पुगारहलासे एईमे एम्बुलेन्स चालकके भि मिलेमतो रहल रहस्य खुल्ल हए । अपन मन जहा ईलाज करावेके हरेक नागरिकके अधिकार हए लेकिन हेल्थ ल्याण्ड होस्पिटल आ गरुडा प्रहरी नागरिकके अधिकारके हनन करईत मरेजीके ईक्छा आ चाहनाके विपरीत काम कररहल हए । नागरिकके चाहना गरुडा प्रहरी पुरा नहोए देरहल देखलगेल हए । प्रहरीके काम हए अपराध नियन्त्रण करेके, अन्यायमे परलके न्याय देबाबेके लेकिन दोसराके न्याय देबावेवला प्रहरी हि अन्याय करेपर उतरगेलापर हमनी अब न्यायके लेल कौनातर जाउ कहके नागरिक चिन्ता व्यक्त कएले हए । यहिविच ईलाका प्रहरी कार्यालय गरुडाके ईन्स्पेक्टर गोविन्द थापाससे यई विषयमे प्रतिक्रिया लेलापर प्रहरी मरेजीके ईक्छा आ भावनासे खेलवाड नकरसकेके बतएले छत । यदि प्रहरी कौनो ओईसन कएले हए त पता लगाके कार्यवाही करेके ईन्स्पेक्टर थापा मधेश जनअवाज एफएमसे आजु सबेरे बातचित करेके क्रममे बतएले छत । 






कमेन्टसहरु



सम्बन्धित शिर्षक समाचारहरु



रौतहटके देवाही गोनाही नगरपालिका जिल्लाके हि पहिल पूर्ण खोप नगरपालिका भेल घोष्णा

विकासके नमुना परोहा आ माघवनारायण नगरपालिका

नेपाल राष्ट्रिय शिक्षक संगठन रौतहटके जिला नेतृत्व भेल हए सर्वसम्मत

हेल्थ ल्याण्ड होस्पिटलके दादागिरी, उपचारके नाममे प्रहरीसे मिलके मरेजीके ईक्छा आ भावना विपरीत कररहल हए काम ।

रौतहटके वृन्दावन नगरपालिकावासी आजु नगरपालिकामे ताला बन्दी

८ सदसीय राहत शिक्षक समिति आजु गठन

बच्चादानी आ हाईड्रशिलके फ्रिमे अप्रेशन करेके चप’र अस्पतालके निर्णय .

गरूडा नगरपालिका वार्ड नं ४ गरूडाके आज’ योजना छनौट कार्यक्रम सम्पन्न

पूर्व मन्त्री एवं रौतहट क्षेत्र नं ३ के सांसद प्रभ’ साहके क्षेत्रमे भव्य स्वागत
1 2 3 4 5 6 7 NEXT
Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

78892
Times Visited.



Copyright © 2015, All Rights Reserved !
Powered by :
Top