विदेश




  • बिहारमें मुकाबलासे बाहर हए मुलायम और ओवैसी



    पटना, विफे, २९ अक्टूबर ।
    बिहार विधानसभा चुनावमें तीसरा चरणके मतदान समाप्त होएके बाद कुछ चीजा साफ होईत देखल जारहल हए । जैसे प्रधानमंत्री नरेंद्र मोदीके पूरा ताकत झोंक देनाई और राष्ट्रीय जनता दल (राजद) अध्यक्ष लालू प्रसाद यादव द्वारा हर मुद्दा पर उनका घेरेसे पूरा लड़ाई मोदी और लालू

    —नीतीशके बीच सिमटइत देखल जारहल हए । 

    दुनु गठबंधन अलग—अलग दावां और वादासे मतदाताके अपना ओर करेमें कोई कसर नछोड़ रहल हए । दुनु गठबंधनके इ जोरदार भिड़ंतके बड़ा खामियाजा उठावे पड़ रहल हए । तीसरा मोर्चाके, जेकरा शुरुआतमें कोनो दल मिलके दुनु गठबंधनके टक्कर देवेके मंसूबा बांधल रहे । 

    समाजवादी पार्टी (सपा) के अध्यक्ष मुलायम सिंह यादवके सरपरस्तीमें बनल इ गठबंधनके कमान राष्ट्रवादी कांग्रेस पार्टी (राकांपा) के नेता तारिक अनवरके सौंपल गेल रहे, लेकिन राकांपा भी जल्दीए इस मोर्चासे नाता तोड़ लेलक । बिहारके पूर्व मंत्री नागमणि भी अपन क्षेत्रीय पार्टीके साथ मोर्चाके बाय—बाय करईत जनता दल (यू) में जाके मिलगेल ।  

    एकरा बावजूद भी इ चुनावके नाकके सवाल बनाब चुकल मुलायम सिंह ईहां पूरा ताकत झोंकेके बात कहले रहे । मुलायमके सपाके अलावा एमें पप्पू यादवके जन अधिकार पार्टी भी शामिल रहे, लेकिन जैसे—जैसे चुनाव आगे बढ़इत जारहल हए, पूरा लड़ाई भाजपाके नेतृत्व वाला राष्ट्रीय जनतांत्रिक गठबंधन और जद (यू), राजद और कांग्रेसके महागठबंधनके बीच ही सिमल गेल हए ।  

    सपा और ओकर गठबंधन कहीभी लड़ाईमें नदेखल जारहल हए । एकर अंदाजा एसे भी लगावल जा सकईत हए की मुलायम सिंह और उत्तर प्रदेशके मुख्यमंत्री अखिलेश यादवके एक—दु रैलिके अलावा भी कोनो बड़ा सपा नेताके बिहारमें अभी तक कोनो सभा नभेल हए ।  नरेंद्र मोदी, नीतीश कुमार और लालू यादवके तरह बड़ा सपा नेताके होर्डिंग—बैनर भी कहीं देखल नजाईअ ।  

    बिहारमें कुछ अइसन ही स्थिति होगेल हए वाम दलके । कएगो सीटपर अच्छा असर राखे वाला वाम दल भी इ लड़ाईसे बाहर देखल गेल हए । ईहे हाल कमोबेश हैदराबादके सांसद असदुद्दीन ओवैसीके एमआईएमके भेल हए । चुनावके घोषणाके तुरंत बाद औवेसी बिहारमें ४० सीटमे लड़ेके ऐलान कएले रहे लेकिन राज्यके मुस्लिम समुदायके अपना प्रति नकारात्मक रुख देखेके बाद अब उनकर पार्टी सीमांचलके मात्र ५ सीटपर ही जोर आजमाइश कर रहल हए । 



बज्जिका वाणी

2072-08-08
2070-01-22 .pdf

बिकाश चौतारी

BC 2073-05-06
BC 2073-05-06
BC 2073-04-31
2072-08-28

जिल्ला प्रहरी का. - ५२००९९
जिल्ला प्रहरी का. - ५२०१७७
-


Desing and Developed by