सरसफाइमे रौतहट जोरसोरके साथ अगाडी बढइत
समाज


सरसफाइमे रौतहट जोरसोरके साथ अगाडी बढइत

समाज 14 पटक पढिएको बिजय यादव


सरसफाइमे रौतहट जोरसोरके साथ अगाडी बढइत


रौतहट, साओन ०२ । रौतहटके ३७मा गाविसके रुपमे सन्तपुर दोस्तिया खुला दिसामुक्त गाविस घोषणा कएलगेल हए । आर्थिक वर्ष समापनके अन्तिम दिन सन्तपुर दोस्तियाके एक विशेष समारोहबीच खुला दिसामुक्त गाविस घोषणा कएलगेल हए । रौतहटके प्रमुख जिला अधिकारी उद्धब बहादुर थापा स्थानीय भद्रभलादमी, बुद्धिजीवी, शिक्षक, पत्रकार, विभिन्न राजनीतिक दलके प्रतिनिधि, विभिन्न संघसंस्थाके प्रतिनिधि तथा

सर्वसाधारणके बीचमे सन्तपुर दोस्तिया गाविसके खुला दिसामुक्त गाविस घोषणा कएले छत । स्थानीय विकास अधिकारी उमेश बस्नेत, खानेपानी तथा सरसफाइ स्वच्छता समन्वय समितिके अनिल केशरी, फतुवा विजयपुर गाँओपालिकाके कार्यकारी अधिकृत रन्जना साह, नेपाल पत्रकार महासंघ रौतहट शाखाके पूर्व अध्यक्ष शैलेन्द्र गुप्ता, जिला विकास समिति रौतहटके पूर्व सभापति गम्भीरा प्रसाद निराला, सहित करिब चार सय लोगके उपस्थितिमे भेल सन्तपुर दोस्तिया गाविस खुला दिसामुक्त घोषणा कार्यक्रमे रेडियो मधेस मसला एफएमके सम्मानित कएलगेल हए । सन्तपुर दोस्तियाके खुला दिसामुक्त गाविस घोषणा करेमे, गाविसके सकारात्मक समाचारके रेडियोसे प्रसारणमे प्राथमिकता देबेके आ गाविसके सकारात्मक कार्यके रेडियोद्वारा प्रचारप्रसार करेके काम कएलगेलासे रेडियो मधेस मसलाके सम्मानित कएलगेल हए । स्थानीय भिवाससिसिके अध्यक्ष तथा गाविसके सचिव नायब सुब्बा उमेश सोनीके अध्यक्षतामे सम्पन्न कार्यक्रममे रेडियो मधेस मसलाके स्टेशन मैनेजर मनोजकुमार चौधरी, स्थानीय पत्रकार मनोजकुमार यादव, बज्जिका पत्रकार संघ नेपालके अध्यक्ष राजेश्वर पान्डे, सन्तपुर दोस्तियामे ही जन्म होके देशमे अपन अलगे पहिचान स्थापित कररहल कलाकार विजय यादव निर्बीज लगायतके लोगके भी ओ अवसरपर प्रेमके उपहारसे सम्मानित कएलगेल हए । आठ  सय त्रियासी घरघुरी रहल सन्तपुर दोस्तियाके सभी घरमे सिपटीके निर्माण भेल आ ओमे गाविसके तर्फसे विशेष भूमिका खेलले होएलासे सचिव सोनीके चारुओरसे प्रशंसा होरहल हए ।





कमेन्टसहरु



Sangam Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

21134
Times Visited.



Copyright © 2015, All Rights Reserved !
Powered by :
Top