अत्यधिक वर्षातसे गरुडाके चारोओर जलमग्न
समाज


अत्यधिक वर्षातसे गरुडाके चारोओर जलमग्न

समाज 3 पटक पढिएको बज्जिका वाणा सम्वादाता




राैतहट, साअाेन २७ । बिफेके साँझसे निरन्तर भेल वर्षातके कारण गरुडाके चारोओर जलमग्न भेल हए । गरुडाके बजार टोला पूर्ण रुपसे जलमग्न होगेलासे लोगके आवाजाहीमे बहुत समस्या होरहल हए । लमाहा आ चानी नदीमे पानी भरल हए । अइसही मध्यरौतहटके करिब सभी गाँओ पानीसे भरल देखलगेल हए । सारा खेत डुबानमे परल हए । डुबानसे तरकारी बालीपर अत्यधिक प्रभाव परल हए ।


जिलाके हजारो बिघा धान डुबानमे परल हए । अइसही गरुडा नगरपालिकाके अमरपटिमे राजेन्द्र बैठाके चौपार गिरके हजारोके क्षति भेल स्थानीय संजीवकुमार यादव जानकारी करएले हए । अविरल वर्षातसे मानपुरमे करिब एक सय बिगाहासे बेसी धान डुबानमे परल स्थानीय राजेश साह जानकारी करएले छत । एहीबीच अविरल वर्षाके कारण रौतहटके परोहा गाँओपालिका वार्ड नम्बर ५ बसन्तपटिके रहनिहार शिवपूजन राउतके खपरकोठा गिरलासे आंशिक क्षति भेल हए । घर गिरलासे करिब चाली हजार रुपैयाके क्षति भेल हए । अइसही उदय राउतके खपराके घर भी पूर्ण रुपसे गिरलासे करिब चालीस हजार रुपैयाके क्षति भेल हए । अइसही नागिन राउतके खपडाके घर पूर्ण रुपसे क्षतिग्रस्त होके कपडालत्ता समेत करिब एक लाख पन्द्रह हजार रुपैया बराके क्षति भेल हए । अइसही विनोद राउतके खपडाके घर गिरलासे एक लाख रुपैया बराबरके क्षति भेल जिला प्रहरी कार्यालय रौतहट जनएले हए ।






कमेन्टसहरु



Sangam Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

31727
Times Visited.



Copyright © 2015, All Rights Reserved !
Powered by :
Top