राहत के नाम मे पइसा दुरुपयोग करेबाला सब से सावधान रहेला नेपाली राजदूतावास अाेमान कएले हए अनुराेध
विदेश


राहत के नाम मे पइसा दुरुपयोग करेबाला सब से सावधान रहेला नेपाली राजदूतावास अाेमान कएले हए अनुराेध

विदेश 1 पटक पढिएको राजु कुमार श्रीवास्तव/


राहत के नाम मे पइसा दुरुपयोग करेबाला सब से  सावधान रहेला  नेपाली राजदूतावास अाेमान कएले हए अनुराेध


अाेमान/भादाे १ नेपाली राजदूतावास मस्कट अाेमान काल्हु इहा रहल सकृय संघ संस्था सब के प्रतिनिधि के साथ दुतावास परिसर मे नेपाल मे कुछ दिन से भेल अविरल वर्षा के कारण प्रभावित व्यत्ती अा परिवार

सब के कर सकेबाला सहयाेग के  बारे मे  एक  कार्यक्रम अायाेजन कएल गेल रहे   । कार्यक्रम के सभापतित्व महामहिम राजदूत शर्मिला पराजुली ढकाल कएले रहलन  । कार्यक्रम के  सुरूअात नेपाली राष्ट्रिय गान से  भेल रहे  । साथे  नेपाल मे दाहर अा डुबान से  जीवन गवएले नेपाली सब के  चिर -शान्ति के  कामना करइत २ मिनट के  माैन धारण कएल गेल रहे । कार्यक्रम मे गैर अावासिय नेपाली संघ अाेमान अा  अन्य कुछ राजनीतिक अा  सामाजिक संस्था के  प्रतिनिधि सब अपन अपन  केन्द्रीय संगठन के निर्देशन अनुसार राहत रकम संकलन कएले अा केन्द्र के हि  दैवि प्रकाेप खाता मे जम्मा करे के जानकारी  देले रहे जबकि कुछ  संघ संस्था के प्रतिनिधित्व सब नेपाल सरकार  राहत वितरण के लेल अमबकि बेर लागू कएले  १ द्वारा पद्वति साकारात्मक रहल बताए ले रहे  ।कार्यक्रम के अन्त मे  राजदूत पराजुली  नेपाल मे  अाएल दैवीप्रकोप के इ दुखद अवस्था मे  अाेमान मे रहल संघ संस्था सब द्वारा कएल जारहल काम के  बारेमे जानकारी लेबे के लेल कार्यक्रम अायाेजना कएल गेल जानकारी करएले रहलन  । साथे हुन  २०७२ साल मे नेपाल मे गेल  महाभूकम्प के समय मे अाेमानवासि नेपाली सब द्वारा कएल गेल  सहयाेग के  प्रशंसा करइत  दुतावास के  मातहत मे संकलन करेके लेल नेपाल सरकार से अभितक काैनाे निर्देशन न अाएलासे  अपन स्वेच्छाअनुसार रकम सहयाेग करे चाहेबाला  नेपाली सब प्रधानमन्त्री दैवि प्रकाेप उद्वार काेष के ताेकलगेल बैंक सब के  खाता मे  रकम जम्मा कर सके के  गृह मन्त्रालय के सुचना के बारे मे जानकारी करएले रहलन  । अाेइसहि  अनाधिकृत रूप मे राहत रकम संकलन कर के  राहत रकम दुरुपयोग करेबाला से सभि  नेपालीसब के सावधान रहेला  दुतावास  अनुराेध कएले हए  । माहामहिम राजदूत पराजुली एइ  अवसर मे दैवीप्रकोप से  प्रभावित व्यत्ती अा  परिवार सब के  राहत स्वरूप अपन  १ महिना के  तलब बराबर के रकम प्रधानमन्त्री दैवीप्रकोप उद्वार काेष के  नेपाल बैंक लिमिटेड काठमाडौ के  खाता नम्बर ००२-११-०५३३-१३ मे  जम्मा कएले   व्यहाेरा जानकारी करएले रहलन । एइ अवसर पर  पत्रकार , संघ संस्था के  प्रतिनिधिसब अा  दुतावास के  प्रतिनिधिसब कर के ३० गाेटा के  सहभागीता रहल नेपाली राजदूतावास मस्कट अाेमान द्वारा जारि कएल गेल प्रेस विज्ञप्ति मे  उल्लेख रहल हए ।





कमेन्टसहरु



सम्बन्धित शिर्षक समाचारहरु



नेपाली महिला समुह ओमान चितवन मे दाहर पिडित के लेल बनाबे बाला भेल हए एगो नयाँ घर

राहत संकलन स्वरूप नेपाली महिला समुह अाेमान के तिज कार्यक्रम समपन्न ।

ओमान से दाहर पीडित के लेल भेजल गेल हए सहयोग ।

एकता समाज ओमान के तिज कार्यक्रम भव्य रूप मे समपन्न ,राजदूत पराजुली द्वारा शुभकामना व्यत्त ।

राहत के नाम मे पइसा दुरुपयोग करेबाला सब से सावधान रहेला नेपाली राजदूतावास अाेमान कएले हए अनुराेध

नेपाली समाज ओमान के सातमा महाधिवेशन सम्पन्न,अध्यक्ष मे योगेश बानु राई चयन

बज्जिका पत्रकार संघ अाेमान के सातमा मासिक बैठक समपन्न ,सल्लाहकार मे थापा अा ज्ञवाली नियुक्त
Sangam Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

21400
Times Visited.



Copyright © 2015, All Rights Reserved !
Powered by :
Top