स्थानिय




  • गरुडाके विकासमे नयाँ बहस ः चौतर्फी विकासके लेल सभी पक्षके जुटनाइ जरुरी



    गरुडा, असार ०४।
    रौतहटके गरुडा नगरपालिकाके विकासके लेल नयाँ ढंगसे पहल करेला बहस करनाइ जरुरी हए । स्थानीय तहके निर्वाचन आसिन २ गते होएबाला होएलासे सभी पक्ष मिलके गरुडाके


    विकासके लेल बहस करनाइ जरुरी होगेल हए । गरुडाके निरन्तर शुभचिन्तक रहल रौतहट क्षेत्र नम्बर ३ से निर्वाचित साँसद प्रभु साह सहरी विकास मन्त्रालय सम्हारलाके कारण गरुडाके विकासके सपना साकार होएके सम्भावना बढल हए । गरुडाके सभी पक्ष एक होके गरुडाके विकासके लेल प्रयास कएलापर गरुडाके नक्सा बदलेबाला किसिमसे विकास होसकले । गरुडा नगरपालिकाके सम्पूर्ण प्रमुख सडकके पिच करेके, नाला निर्माण करेके, ग्रामीण सडकके विस्तार एवं स्तरोन्नति सम्पूर्ण सडकके दुनुओर अनिवार्य वृक्षरोपण, विर्ता चौकसे लेके जयनगर चौकतक पिचपर रात्रीकालीन ट्राफिक लाइटके व्यवस्था, गरुडा बजारके पानीके निकास, गरुडा चौकपर एगो घन्टाघरके निर्माण, गरुडा चौकसे पछिम रहल बैरेजके व्यवस्थित कके बोटिङके सुविधा, बैरेजसे दखिन पिकनिक स्पटके विकास, बैरेजसे करिब एक किलोमिटर उत्तर रहल लमाहा आ झाँझ नदीके संगमस्थलके विशेष प्राकृतिक स्थलके रुपमे विकास करेके, लक्ष्मीपुर चौकके झाँझपुलसे उत्तर जालपामाई मन्दिरके आसपास पर्यटकीय पिकनिक पार्कके निर्माण, जयनगरके बाल उद्यानके परिमार्जन लगायतके विकासके मुदापर गरुडाके विकास सोचेबाला लोग बहस करनाइ जरुरी हए । गरुडा नगरपालिका अपनेआपमे शैक्षिक आ आर्थिक केन्द्रके रुपमे विकास करचुकल हए लेकिन ई दुनु क्षेत्रके भविष्यके आउरो मजबुत बनानाइ जरुरी हए । अइसही गरुडाके पर्यटकीय आ पिकनिक स्पटके रुपमे विकास करे सकलापर एकर दीर्घकालीन विकास सम्भव रहल   हए । सहरी विकास मन्त्रालयसे वर्तमान अवस्थामे अपेक्षाके मोताबिक सहयोग होसकेके अवस्था रहलासे अइसन अवसरके उपयोग करेला भी बुद्धिजीवीलोग सलाह देरहल हए । गरुडा नगरपालिकाके कार्यकारी अधिकृत भी युवक रहल आ विकासप्रति सकारात्मक चाहना रखेबाला अधिकृत होएलासे नगरपालिकासे समन्वय कके गरुडाके विकाससे जुटल लोग वृहद योजना बनाके विकासके योजना सम्बन्धित निकायतक पुगानाइ आवश्यक रहल बुद्धिजीवीलोगके कहनाम हए ।


बज्जिका वाणी

2072-08-08
2070-01-22 .pdf

बिकाश चौतारी

BC 2073-05-06
BC 2073-05-06
BC 2073-04-31
2072-08-28

जिल्ला प्रहरी का. - ५२००९९
जिल्ला प्रहरी का. - ५२०१७७
-


Desing and Developed by