राजनिति


गरुडाके चिनी मिल चलेके अभी भी अनिश्चित, एतबारके वार्ता भेल असफल

राजनिति 1 पटक पढिएको वज्जिका वाणी




राैतहट, पाैष ०९। दू सालके करिब २२ करोड रुपैया भुक्तानी करेके बाँकी रहल कहइत कुछ दिन पहिले भुक्तानीके सेडुल निकालेके अल्टिमेटम देलापर एतबारके दिन गरुडास्थित श्रीराम सुगर मिल्सके व्यवस्थापन पक्ष आ उख उत्पादक संघ रौतहटबीच भुक्तानीके विषयमे असफल वार्ता भेल हए । मिल व्यवस्थापनद्वारा बाराके सिमरामे रहल होटल इच्छामे उख उत्पादक संघके

जिम्मेवार पदाधिकारीके बोलाके दुनु पक्षमे घन्टोतक छलफल भेल लेकिन निष्कर्ष निकले नसकल खबर प्राप्त भेल हए । उद्योगके जिम्मेवार लोगसे पछिलका बाँकी रकम मध्ये तीन करोड रुपैया भुक्तानी देबेके आ उद्योग चले लगलापर उद्योग चलेके लेल एई साल किनाएबाला उँखके मूल्य सात दिनमे भुक्तानी करेके बात रखलगेल हए । बारा आ सर्लाहीमे चिनी मिल चले लागल लेकिन रौतहटके चिनी मिल अभी भी चलेके निश्चित नभेल अवस्थामे एतबारके सिमरा भेल दुुनु पक्षके वार्ता खासे कौनो निष्कर्षपर पुगे नसकल हए । उद्योगके जिमामे रहल १८ करोड रुपैयाके भुक्तानीके कौनो स्पष्ट खाका नआएल बरु पैसा होई तहिया देहम जइसन बात व्यवस्थापनके ओरसे अएलासे अपने लोगके चित्त नबुझल वार्तामे सहभागी उख उत्पादक संघ रौतहटके अध्यक्ष अशोक प्रसाद यादव जानकारी करएले छत । दुनु पक्षके वार्ता असफल होएलासे गरुडास्थित चिनी मिल चलेके अभी भी अनिश्चित बनल विश्लेषण कएल जारहल हए ।





कमेन्टसहरु



Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

87178
Times Visited.



Copyright © 2015, All Rights Reserved !
Powered by :
Top