राजनिति


राजनीतिक स्थिरताके लेल प्रचण्डके नेतृत्वमे वाम सरकार उपयुक्त :- मन्त्री प्रभु साह

राजनिति 5 पटक पढिएको वज्जिका वाणी




राैतहट, पाैष ०९। देशमे कुछ दिन पहिले सम्पन्न आम निर्वाचनसे वाम गठबन्धनके पक्षमे स्पष्ट बहुमत देले अवस्थामे राजनीतिक स्थिरताके लेल एमाओवादी अध्यक्ष पुष्पकमल दाहाल प्रचण्डके नेतृत्वमे सरकार गठन उपयुक्त रहल मन्त्री प्रभु साह कहले छत । चुनावसे पहिले एमाले आ माओवादी केन्द्रबीच अढाई अढाई वर्ष सरकारके नेतृत्व करेके आ हरेक पक्षमे माओवादीके चालिस प्रतिशत सिट देबेके

भद्र सहमति भेल कहइत नेपाल सरकारके विना विभागीय मन्त्री साह एमाले वा माओवादी दुनु मध्ये कौनो भी पहिले नेतृत्व कएलापर होतइ लेकिन शान्ति प्रक्रिया आ संविधान निर्माणके अनेक विषयके सम्बोधन करेला सरकारके नेतृत्व करेमे अढाई वर्षके पहिल पलहा प्रचण्डके देनाइ उपयुक्त रहल स्पष्ट कएले छत । संविधान अनुसार सरकार बनलापर कम्तीमे दू बरिसके लेल स्थिर सरकार बनेके होएलासे देशमे स्थायी सरकारके निश्चितता भेल लेकिन राजनीतिक स्थिरता तथा स्थिर सरकार अलग अलग विषय रहल  मन्त्री साहके कहनाम हए । पहिल पलहाके नेतृत्व प्रचण्डके होएलापर मधेसी, आदिबासी, जनजाति, मुस्लिम तथा पिछडल वर्गके सहानुभूति भी प्राप्त होएके आ संविधानमे रहल असन्तुष्टि सम्बोधन करेला सभीके साथ लेके चलनाइ उचित रहल विचार मन्त्री साहके रहल हए । एमाले आ माओवादी गठबन्धन छओगे प्रदेशमे स्पष्ट बहुमत प्राप्त कएले लेकिन प्रदेश नम्बर २ मे वाम गठबन्धन ओहन निमन जनाधार देखाबे नसकल वर्तमान अवस्थासे मधेशीके वामपन्थीप्रति असन्तुष्टि रहल प्रष्ट होगेल बतबइत मन्त्री साह सरकारके नेतृत्व पहिल पालीमे प्रचण्डके कएलापर राजनीतिक सम्वादसे राजनीतिक अस्थिरता होएके सम्भावना तुलनात्मक रुपमे कम रहल विश्वास व्यक्त कएले छत । वाम गठबन्धनके पूर्ण बहुमतके सरकार बने लगलापर खुसी व्यक्त करइत मन्त्री साह देशमे एमाओवादीसे निमन एमाले  प्रदर्शन कएलापर कुछ एमाले नेता दम्भ प्रकट कररहलासे संखा व्यक्त करइत चुनावसे पहिलेके सम्झौता आ भद्र सहमतिके अक्षरशः पालन कएलापर गठबन्धनमे कौनो विवाद नआबेके बतएले छत । एमाले आ माओवादीके सहकार्य उपर देशके राजनीतिक स्थिरता आ स्थायीत्व निर्भर रहल बातपर नेपाली जनता स्पष्ट रहल हए लेकिन एमालेके व्यवहारउपर मात्र वाम एकता निर्भर रहेके विश्वास भी व्यक्त कएले छत । नेपाली जनता वाम गठबन्धनके वाचा अनुसार पाँच वर्ष सरकार चलाबेला बहुमत देलासे स्थिर सरकार आ राजनीतिक स्थिरता दुनुके लेल जनताके साक्षी राखके एमाले आ माओवादीके सहकार्य करनाइ जरुरी रहल मन्त्री साहके कहनाम हए । मन्त्री साह अपना भोट देबेबाला सभी मतदाताके हार्दिक धन्यवाद भी देले छत ।



 













कमेन्टसहरु



सम्बन्धित शिर्षक समाचारहरु



भारतके पूर्वप्रधानमन्त्री एचडी देवेगौडा राजनीतिक भेटवार्तामे व्यस्त

पूर्व मन्त्री प्रभु साह एके दिनमे दुगो इलाका प्रहरी कार्यालयके कएले छत उदघाटन

विकासके विरोधी तत्वसव गौर नगरबासी कडा प्रतिकार करनाई जरुरी रहल :- मेयर गुप्ता

फोरम सरकारमे जाईत, २ बुदे सहमति

विद्यायक फुलबाबुके गढिमाई नपाके मेयर यादवद्धारा भव्य सम्मान

नयाँ गम्हरीया हाई स्कुलमे सरस्वतिके मन्दिर निर्माण करेके रौतहट क्षेत्र नं ४ के खके विद्यायक फुलबाबुके घोष्णा

प्रदेश नं २ मे फोरमके नेतृत्वमे हि सरकार बनेके आ उ सरकार मधेशी जनताके हर सपना सकार करेके रौतहट क्षेत्र नं १ के खके विद्यायक योगेन्द्र यादवके ठोकुवा

मिठुअवामे आजु कम्बल वितरण

सार्वजनिक लेखापरिक्षण कार्यक्रम
1 2 3 4 NEXT
Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

99270
Times Visited.



Copyright © 2015, All Rights Reserved !
Powered by :
Top