Bajjika Vani - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
विदेश


अाेमानमे क्षेत्रीय राजदूत सम्मेलन समपन्न,एकता समाज बुझएले हए ८ बुँदे ज्ञापनपत्र ।

विदेश पटक पढिएको राजु कुमार श्रीवास्तव /


अाेमानमे क्षेत्रीय राजदूत सम्मेलन समपन्न,एकता समाज बुझएले हए ८ बुँदे ज्ञापनपत्र ।


ओअ्मान /अासिन ११ ओमानमे क्षेत्रीय राजदुत सम्मेलन समपन्न भेल हए । राजधानी मस्कट स्थित ग्रैण्ड हाेटेल मे काल्हु आयोजित खाडि मुलुक , केन्द्र एसिया, पश्चिम एसिया अा अफ्रिका क्षेत्रके नेपाली राजदूतसब के क्षेत्रीय सम्मेलन प्रधानमन्त्री

शेरबहादुर देउवा के उपस्थितिमे समपन्न भेल हए । अाेमान भ्रमण के दुसरका दिन काल्हु  प्रधानमन्त्री देउवा नेपाली आप्रवासी कामदार सब के हकहित अा संरक्षणके लेल काम करेला  राजदूतलाेग के निर्देशन देले छत ।  सम्मेलन मे  बाेलइत प्रम देउवा खाडि देश अाेमान सहित अन्य देशमे कार्यरत नेपाली कामदारलाेग के समस्या समाधानके लेल निर्देशन देइत एइ प्रति सरकार गम्भीर रहल विचार व्यक्त कएले रहलन । एइ अवसर पर बाेलइत श्रम अा रोजगार मन्त्री फरमुल्लाह मन्सुर श्रम स्वीकृति लगायत के काम सब  दूतावास से हि करेला राजदूतलाेग निर्देशन दिले रहलन । सम्मेलनमे बाँकी देशके साथ श्रम सम्झौता करेके लेल , नेपालके पर्यटन अा विदेशी लगानी बढाबे के अाेर राजदूतसब द्वारा निर्वाह कएल जाएबाला भूमिका  के विषयमे  विचार विमर्श भेल स्राेत जनाएले हए  । सम्मेलनके  अवसर पर ओमानके लेल नेपाली राजदूत शर्मिला पराजुली ढकाल, साउदी अरबके लेल नेपाली राजदूत डा महेन्द्र सिंह, साउदी अरब के जेद्धाके लेल नेपाली कार्यवाहक महावाणिज्यदूत रेवती पौडेल, कतारके लेल नेपाली राजदूत रमेश कोइराला, इजरायलके लेल नेपाली राजदूत निरन्जन थापा, दक्षिण अफ्रिकाके लेल नेपाली राजदूत अमृतबहादुर राई, कुवेतके लेल नेपाली राजदूत यज्ञबहादुर हमाल, बहराईनके लेल  नेपाली राजदूत पदम सुन्दास, ईजिप्टके लेल  नेपाली राजदूत झबिन्द्रप्रसाद अर्याल, दुबईके  लेल नेपाली कार्यवाहक राजदूत नेत्रबहादुर टण्डन सहित भिअाइपिलाेग के सहभागीता रहल रहे  । साथे अाेमान मे क्रियाशिल विभिन्न संघ संस्था के  प्रतिनिधि लाेग के उपस्थिति रहल रहे  । सभि  राजदूतलाेग अपन अपन देश के अवस्था अा  चुनौती के बारेमे प्रधानमन्त्री देउवा के जानकारी करएले रहलन  । एहि बिच अाेमान नेपाली एकता समाज प्रधानमन्त्री देउवा समक्ष ८ बुँदे ज्ञापनपत्र बुझएले हए  । ज्ञापनपत्रमे  घरेलु महिला कामदार लाेग के राेकलगेल श्रम स्वीकृति फेर से चालू करेके , महिला कामदार सब के सरकारके  मातहतमे हि विदेश भेजेके लेल व्यवस्था करेके  ,प्रवास मे रहल नेपाली सब नेपाल मे हाेएबाला हर किसिम के चुनाव मे समबन्धित देश से हि मताधिकार अा प्रतिनिधित्व के सुनिश्चितता करेला ,फ्रि भिसा अा फ्रि टिकट के नीति के  अभिलम्ब कार्यान्वयन करेला  ,नेपाल अाेमान सरकार बिच श्रम समझाैंता करे के चर्चा हाेरहल  समय मे  कमदार सब के निर्धारण कएल जाएबाला तलब अा मूल्य वृद्धि संघे तलब के  वृद्धि के भि धयान देबे के सहित ८ बुदेँ ज्ञापनपत्र बुझावइत ध्यानाकर्षण करावल गेल नेपाली एकता समाज अाेमान के अध्यक्ष छबिलाला बस्नेतले जानकारी करएले छत  । स्मरणीय हए कि भ्रमण टाेलिमे प्रधानमन्त्री शेर बहादुर देउबा के साथ परराष्ट्र मन्त्री कृष्णबहादुर महरा, श्रम अा रोजगार मन्त्री फरमुल्लाह मन्सुर, महिला बालबालिका अा सामाज कल्याणमन्त्री आशा कोइराला, प्रधानमन्त्रीके परराष्ट्र मामिला सल्लाहकार डा. दिनेश भट्टराई, परराष्ट्र सचिव शंकरदास वैरागी सहित विशिष्ट लाेग चार  दिवसिय अाैपचारिक भ्रमण के लेल अभि  अाेमान मे रहल हए ।




सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


अाेमानमे क्षेत्रीय राजदूत सम्मेलन समपन्न,एकता समाज बुझएले हए ८ बुँदे ज्ञापनपत्र । - 2017-09-27
ओअ्मान /अासिन ११ ओमानमे क्षेत्रीय राजदुत सम्मेलन समपन्न भेल हए । राजधानी मस्कट स्थित ग्रैण्ड हाेटेल मे काल्हु आयोजित खाडि मुलुक , केन्द्र एसिया, पश्चिम एसिया अा अफ्रिका क्षेत्रके नेपाली राजदूतसब के क्षेत्रीय सम्मेलन प्रधानमन्त्री

नेपाली महिला समुह ओमान चितवन मे दाहर पिडित के लेल बनाबे बाला भेल हए एगो नयाँ घर - 2017-09-12
ओमान, भादो २७ / नयाँ घर बनाबे के अभियानमे नेपाली महिला समूह ओमान सहकार्य करइत दाहर से प्रभावित भेल चितवन क्षेत्रके सुकुम्बासी परिवार के पुर्न स्थापनाके लेल गायक मिलन लामा द्वारा चलावल गेल अभियान अन्तर्गत एगो घर बनाबे बाला भेल हए । गायक मिलन लामाके सामाजिक अभियान अन्तर्गत नेपाली महिला समूह ओमान एगो घर बनाबेके निर्णय कएले रहे ।

राहत संकलन स्वरूप नेपाली महिला समुह अाेमान के तिज कार्यक्रम समपन्न । - 2017-08-27
अाेमान/भादाे ११ नेपाली महिला सब के महान चाड हरितालिका तिज के अवसर मे काल्हु ओमान मे भब्यता के साथ तिज विशेष सांस्कृतिक कार्यक्रम सम्पन्न भेल हए । नेपाली महिला समुह ओमान हर साल तिज विशेष कार्यक्रमके आयोजना करते अारहल हए लेकिन इ साल कार्यक्रम मात्र न कर के अभि

ओमान से दाहर पीडित के लेल भेजल गेल हए सहयोग । - 2017-08-27
अाेमान/भादाे ११ प्रवासी नेपाली मञ्च ओमान नेपाल मे आएल अविरल वर्षा के कारण प्रभावित सब के आपतकालिन राहत स्वरुप आर्थिक सहयोग कएले हए । नेकपा एमाले द्वारा प्रेस

एकता समाज ओमान के तिज कार्यक्रम भव्य रूप मे समपन्न ,राजदूत पराजुली द्वारा शुभकामना व्यत्त । - 2017-08-19
अाेमान/भादाे ३ ओमान नेपाली एकता समाज महिला बिभाग बितल साल के जइसन इ साल भि सातमा प्रगतिशील तिज कार्यक्रम २०१७ भव्य रूप मे समपन्न कएले हए । राजधानी मस्कट स्थित अलमाहा हाेटेल नजदिक रहल अलरिफ हाेटेल घाेब्रामे काल्हु अगस्ट १८ तारिक सुकर के दिन दाहर पिडित के लेल राहत संकलन स्वरूप तिज कार्यक्रम मनावल गेल तिज तयारी समिति संयाेजक लक्ष्मी रायमाझि जानकारी करएले छत ।

राहत के नाम मे पइसा दुरुपयोग करेबाला सब से सावधान रहेला नेपाली राजदूतावास अाेमान कएले हए अनुराेध - 2017-08-17
अाेमान/भादाे १ नेपाली राजदूतावास मस्कट अाेमान काल्हु इहा रहल सकृय संघ संस्था सब के प्रतिनिधि के साथ दुतावास परिसर मे नेपाल मे कुछ दिन से भेल अविरल वर्षा के कारण प्रभावित व्यत्ती अा परिवार

नेपाली समाज ओमान के सातमा महाधिवेशन सम्पन्न,अध्यक्ष मे योगेश बानु राई चयन - 2017-08-11
ओमान, साउन १४ नेपाली समाज ओमान के सातमा महाधिवेशन काल्हु सन् २०१७ जुलाई २८ तारिक सुकर के दिन राजधानी मस्कट स्थित हाईएस्ट माउन्टेन रेस्टुरेन्ट के सभाहल मे भब्य रूप मे सम्पन्न भेल हए । सन् २००३ से ओमान मे नेपाली समाज ओमान स्थापना भेल संस्था हए । नेपाली समाज ओमान के तत्कालीन उपाध्यक्ष योगेश भानु राई के सभाअध्यक्षता मे शुरु भेल महाधिवेशन के

बज्जिका पत्रकार संघ अाेमान के सातमा मासिक बैठक समपन्न ,सल्लाहकार मे थापा अा ज्ञवाली नियुक्त - 2017-08-11
अाेमान/ सावन १७ बज्जिका पत्रकार संघ अाेमान के नियमित सातमा मासिक बैठक समपन्न भेल हए । अाेमान सलालाह स्थित नेपाली भिला मे अाइ सबेरे अगस्ट १ तारिक मंगर के दिन संघ के अध्यक्ष राजु कुमार श्रीवास्तव के अध्यक्षता मे समपन्न भेल बैठक मे संघ के

Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

संचालक

38244
Times Visited.



Copyright © 2015, All Rights Reserved !
Powered by :
Top