विज्ञान/प्रविधि




  • लोककथा



    इमानदार चोर
    आशुतोष साह/ एगो गाँओमे दुगो चोर रहे । एगोटेके नाओ रहे मोसाफिर आ दोसराके नाओ रहे रमुआ । दुनुजने सङ्हतिया रहे । दुनु साथीके गुजर गुजरान चोरिएसे चलइत रहे ।

    दुनुके घर एकेगो गाँओमे त रहे मगर गाँओके दुनु कातमे । दुनुके दिनभर ओतना भेंट नहोखे लेकिन रातमे जरुर भेंट होजाए । दुनु साथी मिलके केकरो घरमे जाके चोरी करे आ आधाआधा बाँटके लेजाए ।

    रमुआ बहुत इमानदार रहे लेकिन मोसाफिर रहे बैमान । रमुआ अपना गाँओमे चोरी करे नचाहे लेकिन मोसाफिर अपना परोसियोके घरमे सेन फोरदेबे । रमुआके असुल रहेकि गाँओके चोरीमे ऊ नजाए आ कुछो लेबो नकरे । रमुआके इमन्दारीसे मोसाफिर कभीकाल असमञ्जसमे परजाए ।

    मोसाफिरके बैमानी भी कभीकाल रमुआके परसानीमे डालदेबे । लेकिन तइओ रमुआ अपना इमानके सिमान कहियो भी नबटे । जेतना चोरी करे ओमे इमन्दारीपूर्वक आधा मोसाफिरके देबे मगर मोसाफिरके जहिया बेसी हाथ लागे त ऊ पएँडेपर फेंकइत आबे आ बाँकी सामानमे आधाआधा बाँटके लेलेबे । जब बिहान होखे त अकेले जाके रतुका फेंकलका सामान उठाके लेआबे आ अकेले धलेबे । अइसन बैमानीसे रमुआके बेसी घाटा लागजाए । केतनो बैमानी करे तइओ मोसिफिरके पुरी नपरे । रमुआके इमानदारीसे ओकर बर्कत होइरहे ।

    एक दिन एगो गाँओमे चोरी करेगेल दुनुजने । जेकरा घरमे चोरी करे पइँसल, ऊ बहुत धनिक रहे । रातमे चोरी कएलापर दुनुजनेके बहुत धन हाथलागल । बहुते सोनाचानी बहुते हाथ लागल दुनुजनेके । चोराके अएलक सरेहमे । रमुआ त इमन्दार रहे मगर मोसाफिर अपना बैमानी करेसे ओहु दिन नचुकल । कुछ त बैमानी करबे कएलक मगर दुनुजनेके चोराएल धनसम्पत्ति एकलमन जमा भेल त मोसाफिर कहे जे हम बेसी चोरइली ह त रमुआ कहे हम बेसी चोरइली ह । के बेसी चोरएलक एई विषयक झगडा नरहे, झगडा रहे कि हम बेसी चोरइली ह कहके मोसाफिर बेसी गहना लेबे चाहे । रमुआ भी बहुते धन देखले रहे, ओसे मनेमने कहेकि अब आधा मिलजाइ त चोरी छोरदेहम । केतनो समझएलापर मोसाफिर आधा देबेला मानबे नकरे । हारदारके रमुआ कहइता आधा हमरा नदेबे त हम जाके बिहान कहदेबऊ घरबालाके कि तू चोरएले छे ।

    मोसाफिर त आउरो धूर्त रहे । ऊ कहइता ठीक हऊ, तू कहेके मनहोतऊ त कहदिहे बिहान । आजु हम तोहरा कमे देबऊ । तू कहदेबे त हम पकड़ाजाएम लेकिन जब हम पकडाएम त तोहरो पकडादेबऊ । जब दुनुजने चोरी कइली त दुनुजने जेल काटम ।

    मोसाफिरके बात सुनके रमुआ भी सोचलक कि चल आजु जे देइता ओहीमे गुन्जाइस करेके परी । मोसाफिर अपनेसे बखरा लगएलक, अपने बाँटलक । जे देलक सेही लेलक रमुआ आ घरे चलअएलक । रमुआके निन नपरल । सबेरे उठलक । मोसाफिर जे देलेरहे रातमे से अङोछाके खुँटमे बन्हलक आ चलदेल ओही गाँओमे । जब ओ महाजनके दुरापर पुगइता तब बहुते लोग जमा रहे । सभीके मुहपर रातुके चोरीके ही बात रहे । ओहीलमन पुगके रमुआ अङोछाके गेठरी खोलके कहइता रतुका चोर हमही छी । दूजने मिलके चोरी कइली । हमरा जे मिललसे इहे हए, हमरे गाँओके मोसाफिर हमरा लेआएल रहे । हमरा हिसामे जेतना परल हए ओतना हम इमन्दारीसे लेआके महाजनके लौटादेली । हमरा जे सजाय देबेके हएसे देबस ।

    सभी लोग कहलक कि ई इमन्दार चोर हई । एकरा माफ करदेलजाओ । मोसाफिरके पकडेला पुलिस गेल । पकडाके ऊ जेलमे चलगेल । लोगके कहलापर रमुआके चोराएल धनमेसे महाजन कुछ रमुआके देदेलक । रमुआके चलते महाजनके बहुते धन फिर्ता होगेल । महाजन खुस रहे । रमुआ कुछ दिनके बाद साधु होगेल ।





  • वृहस्पतीके नयाँ तस्वीर सार्वजनीक कएले हए नासा - 2016-09-07

    अमेरिकी अन्तरीक्ष संस्था नासा सौर्यमण्डलके सबसे लम्हर ग्रह बृहस्पतीके नयाँ तस्वीर सार्वजनिक कएले रहे । जूनो नामक भूउपग्रहसे खिचल गेल नयाँ तस्वीरसव नासा सार्वजनिक कएले हए । ई तस्वीरसवमे वृहस्पतीके दुनु ध्रुवमे ग्यासके लम्हर लम्हर बादलसव घुमईत रहेके नासा जनएले हए ।


    रौतहटमे पहिलवार लावा मोवाईल आ स्थानिय रिटेलसव साथके अन्तरक्रिया - 2016-02-06

    रौतहट जिल्लामे पहिलवेल मोवाईल कम्पनी आ स्थानिय विक्रेता साथे अन्तरक्रिया कार्यक्रम सम्पन्न भेल हए । भारतीय कम्पनी लावा मोवाईलके नेपालमे सप्लाई करेवाल अम्वे ग्रुप रौतहट जिल्लाके स्थानिय मोवाईल विक्रेता सव साथे लावा मोवाईलके


    ‘छोटा मानव’ समाजीक संजाल पर भायरल - 2016-01-31

    आजकल व्हाट्सअप्पसे लेके फेसबुक और ट्विटर पर एगो अजीब जीवके फोटो भायरल होरहल हए जेकरा ‘छोटा मानव’ कहला जारहल हए । सोशल मीडियाके मुताबिक जोधपुरके बावड़ी गावमें ट्यूबवेल (कल)काडेकेले खोदाईके दौरान निकल्ल हए


    वैज्ञानिकसव नया ग्रह खोजले दावा कएले हए - 2016-01-25

    अमरीकाकें अंतरिक्ष वैज्ञानिकके कहनाम हए कि हुन सौर मंडलमें एगो नया ग्रह खोजले हए जोन आकारमें पृथ्वीके मुकाबला दस गुना बड़ा हए । कैलिफोर्निया इंस्टीट्यूट अफ टेक्नोलाजीके शोधकर्ता ओकरा अभी प्लानेट नाइन कह रहल हए ।


    वाई फाईसे सय गुना तेज हए लाई फाई - 2015-12-02

    अब डाटा ट्रांसफरके लेल अईसन तकनीकी आ चुकल हए की जोन वाई फाईके मुकावला सय गुना तेज हए । लाइ फाईके इहे हप्ता एस्तोनीयके टालीनमे परिक्षण कएल गेल हए । लाई फाईसे वाई फार्ईके मुकÞाबला एप सय गुना तेज इंटरनेट चला सकईत हए और एकर रफतार एक गिगाविट


    बांह पर ११ तिल, सावधान होजाउ ! - 2015-10-28

    अध्ययनके मुताबिकÞ यदि आपनेके एगो बांह पर ११ से जादाँ तिल हए त अपनेके गम्भीर किसिमके त्वचा कैंसर यानी मेलेनोमा होएके खÞतरा हए । ब्रिटेनके एगो पत्रिका डर्माटोलोजीमे प्रकाशित ई अध्ययन


    पृथ्वी १५ दिन तक अनहार - 2015-10-08

    पुरे पृथ्वी लगातार १५ दिन तक अन्हार रहेको सामाचार प्राप्त भेल हए । अमेरिकाके स्पेस संगठन नासाके हवाला देईत पृथ्वी १५


    कि अपन मोवाईलके सिम कार्डके सुरक्षित कईली ? - 2015-10-05

    अगर अपने अपन स्मार्टफोनके डाटाके एन्क्रिप्ट कएले छि त या अपन स्मार्टफोनके पिनसे लक कएले छि, तव भी कोई अपनेके सिम कार्ड निकालके अपनेके वारेम बहुत सारा जानकारी हासिल कर सकईत हए । अगर अपने अपन एंड्रोयड फोनके सुरक्षाके लेकेर चिंतित छि त अपने अपन स्मार्टफोनके सिमके लाक करेके सोच सकइत छि ।


    लोककथा - 2015-08-14

    आशुतोष साह/ एगो गाँओमे दुगो चोर रहे । एगोटेके नाओ रहे मोसाफिर आ दोसराके नाओ रहे रमुआ । दुनुजने सङ्हतिया रहे । दुनु साथीके गुजर गुजरान चोरिएसे चलइत रहे ।


    इंसानी दिमागके टक्कर देवे वाला रोबोट - 2015-08-14

    अमरीकी अनुसन्धाकर्ता सव एगो अइसन रोबोट ब्रेन बनएले हए जे इन्टरनेट पर लाखो वेभ पेजके ब्राउजर बनाके नयाँ नयाँ हुनर सिखा सकइत हए ।

बज्जिका वाणी

2072-08-08
2070-01-22 .pdf

बिकाश चौतारी

BC 2073-05-06
BC 2073-05-06
BC 2073-04-31
2072-08-28

जिल्ला प्रहरी का. - ५२००९९
जिल्ला प्रहरी का. - ५२०१७७
-


Desing and Developed by