समाज


हेल्थ ल्याण्ड होस्पिटलके दादागिरी, उपचारके नाममे प्रहरीसे मिलके मरेजीके ईक्छा आ भावना विपरीत कररहल हए काम ।

समाज पटक पढिएको ओम प्रकाश यादव।




बैशाख ११ गते, रौतहट । रौतहटके गरुडामे रहल हेल्थ ल्याण्ड होस्पिटल प्रहरीसे मिलके दादागिरी कररहल हए । गरुडाके प्रहरीसे मिलके हेल्थ ल्याण्ड होस्पिटल कौनो भि मरेजीके दोसरा होस्पिटलमे नजाएदेके हेल्थ

ल्याण्ड होस्पिटलमे हि तानेके काम कररहल हए । हेल्थ ल्याण्ड होस्पिटलसे मिलल ईलाका प्रहरी कार्यालय गरुडाके प्रहरी भि जनताके न्याय देवेके बदला उलटे अन्याय कररहल हए । कुछ मरेजीके गरुडा प्रहरी बलजबरजस्ती दोसरा होस्पिटलमे नजाके हेल्थ ल्याण्डमे हि उपचार करावेला दवाव देलासे प्रहरी हेल्थ ल्याण्ड होस्पिटलसे मिलके उपचारके नाममे मरेजीके जानसे हि खेलवाड कररहल रहस्य खुल्ल हए । अपनाके अनामिका होस्पिटलमे उपचार करावेके विचार रहलाके बावजुद भि बल जबरदस्ती गरुडाके प्रहरी हेल्थ ल्याण्ड होस्पिटलमे हि उपचार करावेला डर त्रास देखएलावाद गरुडा प्रहरी हेल्थ ल्याण्डसे मिलके मरेजीके ईक्चा आ भावनासे खेलवाड कररहल रहस्य खुल्ल हए । गरुडामे अनामिका, हेल्थ ल्याण्ड आ रोमा होस्पिटल कके तिन गो बडका होस्पिटल रहल हए विरामी अपन मन जौन हेस्पिटलमे उपचार करासकई लेकिन हेल्थ ल्याण्ड होस्पिटलमे हि उपचार करावेला जबरजस्ती दवाव देनाई प्रहरीके गलत काम हए । गरुडा प्रहरी पैसाके लोभमे मरेजीके ईक्छा आ जानसे खेलवाड कररहल कहईत प्रहरी उपर प्रशन चिन्ह खडा भेल हए । उपचारके लेल अपने अनामिका होस्पिटलमे लेजाएला कहलापर भि गरुडा प्रहरी अनामिकामे उपचार नहोई कहईत बलजबरजस्ती हेल्थ ल्याण्डमे उपचार करावेला दबाव देले गरुडा नगरपालिका वार्ड नं जयनगरके शेख जुलफेकार बतएले हए । उपचारके लेल अनामिका होस्पिटलमे जाएके क्रममे हेल्थ ल्याण्ड होस्पिटलके सामने एम्बुलेन्स रोकके प्रहरी अनामिकामे नजाएदेके हेल्थ ल्याण्डमे लेगेल पिडित जुलफेकारके गुनासो हए । अईसही माधवनारायण नगरपालिका वार्ड नं १ दिपहीके रवि रंजन साह भि गरुडा प्रहरी आ हेल्थ ल्याण्ड होस्पिटल दादागिरी कररहल बतएले हए । साहके भि गरुडा प्रहरी हेल्थ ल्याण्ड होस्पिटलमे हि उपचार करावेला दबाव देले हए । अपन ईक्छा अनामिका होस्पिटलमे उपचार करावेके रहलाके बावजुद भि गरुडा प्रहरीके दबाव आ धम्कीके कारण डरसे हेल्थ ल्याण्ड होस्पिटलमे उपचार करावेमे बाध्य भेल रवि रंजन साहके कहनाम हए । गरुडामे रहल कुछ एम्बुलेन्सके चालक सव भि हेल्थ ल्याण्ड होस्पिटलसे मिलल बुझलगेल हए । एम्बुलेन्स चालकसव कौनो मरेजीके गरुडामे लेके अएलापर दोसरका होस्पिटलमे मरेजीके पहुचावेके नचाहरहल मरेजीके गुनासो हए । एम्बुलेन्सवलाके अपनेसव दोसरा होस्पिटलमे पुगावेला कहलापर भि विभिन्न बहाना बनाके एम्बुलेन्स चालक हेल्थ ल्याण्डमे हि पुगारहलासे एईमे एम्बुलेन्स चालकके भि मिलेमतो रहल रहस्य खुल्ल हए । अपन मन जहा ईलाज करावेके हरेक नागरिकके अधिकार हए लेकिन हेल्थ ल्याण्ड होस्पिटल आ गरुडा प्रहरी नागरिकके अधिकारके हनन करईत मरेजीके ईक्छा आ चाहनाके विपरीत काम कररहल हए । नागरिकके चाहना गरुडा प्रहरी पुरा नहोए देरहल देखलगेल हए । प्रहरीके काम हए अपराध नियन्त्रण करेके, अन्यायमे परलके न्याय देबाबेके लेकिन दोसराके न्याय देबावेवला प्रहरी हि अन्याय करेपर उतरगेलापर हमनी अब न्यायके लेल कौनातर जाउ कहके नागरिक चिन्ता व्यक्त कएले हए । यहिविच ईलाका प्रहरी कार्यालय गरुडाके ईन्स्पेक्टर गोविन्द थापाससे यई विषयमे प्रतिक्रिया लेलापर प्रहरी मरेजीके ईक्छा आ भावनासे खेलवाड नकरसकेके बतएले छत । यदि प्रहरी कौनो ओईसन कएले हए त पता लगाके कार्यवाही करेके ईन्स्पेक्टर थापा मधेश जनअवाज एफएमसे आजु सबेरे बातचित करेके क्रममे बतएले छत । 






कमेन्टसहरु



सम्बन्धित शिर्षक समाचारहरु


गौर मेलामे एगो लड़कीके करेन्ट लागलासे भेल मृत्यु - 2017-09-30
रौतहट , असोज १४ । गौर राईस मिलके मेला महत्सवमे एगो लड़कीके नंगा तारमे करेनट लागके गेल है ज्यान।राजदेवी नगरपालिकाके वडा नं २ हजमिनीया टोल निवासी जयमंगल पंडीतके १४ वर्षके बेटी मुनिता कुमारी के ज्यान गेल है।पैसाके लोभमे रौतहट क्रिकेट संघ बैष्णोदेवी मंन्दिर बनबैलेरहे। मेला लगा बे के लेल कौनो न ले ले जिल्ला प्रहरी जानकारी देले है।

गरुडाके मेयर इन्दु राय यादवद्वारा इहे कात्तिकमे सामाचकवा प्रतियोगिता कराबेके घोषणा - 2017-09-30
रौतहट, आसिंग १४ / गरुडा नगरपालिकाके मेयर इन्दु राय यादव सामाचकवा प्रतियोगिता आयोजन करेके घोषणा कएले छत । लोप होतेजारहल हमनीके विभिन्न संस्कृतिके संरक्षणके लेल अपन पहिल सांस्कृतिक प्रतियोगिताके रुपमे इहे कात्तिकमे नगरस्तरीय सामाचकवा प्रतियोगिता करेके घोषणा कएले छत । संचारकर्मीलोगसे बातचित करइत मेयर यादव अपन संस्कृतिके हर

गरुडामे चार दलके बीचमे चलरहल हए कडा टक्कर - 2017-09-12
राैतहट, भादाे २७ । रौतहटके गरुडामे चार दलके बीच कडा टक्कर चलरहल हए । गरुडा नगरपालिकामे नेपाली काँग्रेस, नेकपा माओवादी केन्द्र, नेकपा एमाले आ संघीय समाजवादी फोरम नेपालके बीच काँटाके टक्कर चलरहल हए । चारो दलके उमेदवार अपनाके जितेके दाबी कररहल हए । अइसही बजार तथा गाँओ गाँओमे एक दोसरा दलके बरियार कहइत हिसाब होएके क्रम

ट्रयाक्टर दुर्घटनामे रौतहटमे एकके भेल मृत्यु चारजने भेल हए घाएल - 2017-09-12
राैतहट, भादाे २७ । रौतहटमे एगो ट्रयाक्टर दुर्घटनामे एक जनेके मृत्यु भेल हए आ चार जने घाएल भेल हए । रौतहटके मौलापुर नगरपालिका वार्ड नम्बर ७ सोनरनियामे ना ५ त १०९० नम्बरके ट्रयाक्टर उलिटलासे टे«क्टरमे यात्रा कररहल १५ बरिसके बालवीर पटेलके घटनास्थलपर ही मृत्यु भेल हए । भैँसहीसे अपना घरे सोनरनियाके ओर जारहल टेक्टर अनियन्त्रित होके सडकसे

गरुडामे दाहरसे करिब अढाई सय घर रहल हए प्रभावित - 2017-08-16
राैतहट, साअाेन ३२ । रौतहटके गरुडा नगरपालिका वार्ड नम्बर ४ गरुडामे करिब अढाई सय घरपरिवार दाहरसे प्रभावित देखलगेल हए । दलित टोला आ अनाथालय टोलाके साथे इलाका प्रहरी कार्यालय गरुडासे पछाडिके टोला दाहरसे सबसे बेसी प्रभावित देखलगेल हए । राहत वितरणके लेल सक्रिय रहेबाला राजनीतिक संयन्त्रके मातहत विभिन्न पक्षके लोग गरुडाके हर

स्वास्थ्कर्मीके टोली दाहर पीडितके कररहल हए निशुल्क इलाज - 2017-08-16
रौतहट, साओन ३२, २०७४ । नेशनल मेडिकल कलेज वीरगंजमे एमबिबिएस पढरहल स्वास्थ्यकर्मीके टोली रौतहटके गरुडास्थित माध्यमिक विद्यालयमे दाहर पीडितके निशुल्क इलाज कररहल हए । मावि गरुडासे ही आइएस्सी कके नेशनल मेडिकल कलेज वीरगंजमे एमबिबिएस अध्ययन कररहल चिकित्सक रामजी राम आ महेन्द्र पाण्डके अगुवाइमे आएल स्वास्थ्यकर्मीके टोली मावि

रौतहटके संकटग्रस्त जिला घोषणा करेके बढरहल हए माग - 2017-08-16
राैतहट, साअाेन ३२ । देशमे दाहरसे सबसे बेसी जनधनके क्षति भेल रौतहटके संकटग्रस्त जिला घोषणा करेके माग बढरहल हए । सहरी विकास मन्त्री माननीय प्रभु साहसे अनौपचारिक आ औपचारिक दुनु रुपसे जिलाके व्यावसायी तथा बुद्धिजीवी जिलाके संकटग्रस्त क्षेत्र घोषणा कराबेला दबाब देरहल हए । जिलाके कृषि, व्यवसाय, पशुपालन, मुर्गा तथा हाँसपालन,

बज्जिका भाषा आ साहित्यपर शनिवारके दिन होएबाला हए छलफल - 2017-08-11
राैतहट, साअाेन २७ । बज्जिका भाषा आ साहित्यमे निरन्तर सक्रिय रहल बज्जिका साहित्य संगम रौतहटके १९मा कार्यक्रम शनिवारके दिन होएबाला भेल हए । बज्जिका भाषा आ साहित्यके विकासके लेल विशेष छलफल होएके साथे कविता गोष्ठीके आयोजना करेके नियमित कार्यक्रम रहल आयोजक संस्थाके अध्यक्ष श्याम सहनी चन्द्रांशु जानकारी करएले छत ।

अत्यधिक वर्षातसे गरुडाके चारोओर जलमग्न - 2017-08-11
राैतहट, साअाेन २७ । बिफेके साँझसे निरन्तर भेल वर्षातके कारण गरुडाके चारोओर जलमग्न भेल हए । गरुडाके बजार टोला पूर्ण रुपसे जलमग्न होगेलासे लोगके आवाजाहीमे बहुत समस्या होरहल हए । लमाहा आ चानी नदीमे पानी भरल हए । अइसही मध्यरौतहटके करिब सभी गाँओ पानीसे भरल देखलगेल हए । सारा खेत डुबानमे परल हए । डुबानसे तरकारी बालीपर अत्यधिक प्रभाव परल हए ।

PREV 1 2 3 4 5 6 7 NEXT
Sumintra Media Pvt. Ltd.
Bajjika Vani (वज्जिका वाणी)
Gaur-5, Rautahat, NepalTel: 055-520048. Mob. No. 977 -9845134379
http://www.bajjikavani.com, Email: bajjikabanee@gmail.com

सुचना बिभाग दर्ता न. ५६०/०७४/०७५

संचालक

65268
Times Visited.



Copyright © 2015, All Rights Reserved !
Powered by :
Top