गौर, जेठ १४ । गौर नगरपालिकाके नगर प्रमुख मेयर अजय कुमार गुप्ता, गौर नगर क्षेत्रमे विकास विरोधि तत्वसव सर्वसधारण जनता उपर हावी भेलासे विकास निर्माणमे कठीनाई होईत आएल बतएले छत । आजु सोमवारके सवेर लोक सेवा आयोगके कक्षाके उदघाटन करईत मेयर गुप्ता, कुच्छ विकास विरोधी तत्व जे अपन सिमित स्वार्थकेलेल अनावसक गौर नगरवासीमे भ्रम पैदा करईत आएलासे ओहन व्यक्तिसे सावधान रहेला गौर नगरवासीसे अनुरोध कएले हए ।
मेयर गुप्ता, विकास विरोधी तत्व आ भ्रम पैदा करेवाला व्यक्तिके गौर नगरवासी डटके प्रतिकार करेला समेत आग्रह कएलन ।

कार्यक्रमके प्रमुख अतिथिके वक्ताके रुपमे बोलईत मेयर गुप्ता, ई लोक सेवा आयोगके कक्षा सफल भेलापर अगामी दिनमे एकरा प्रोत्सान देवेके आ गौर नगरवासीके भौतिक विकास से जादाँ, शिक्षा, स्वाथ्य, व्यपार, कृषी सहित सवै क्षेत्रके विकास करेक प्रति प्रतिवद्ध रहल बतएलन ।

दोसर वक्ताके रुपमे रहल गौर नगरपालीकाके उप मेयर किरण कुमारी ठाकुर, गौर नगरवासीके सर्वपक्षिय विकासला नगरपालिका आगे बढ रहलासे एकरा सव नगरवासी अपनत्वके रुपमे ग्रहन करईत सहयोग कएलासे मात्र सर्वपक्षिय विकास सम्भव होएके बताएलन । कार्यक्रममे राजनैतिक विशलेषक चिरंजिवी सिंह, करदाता सेवा केन्द्र गौरके प्रमुख बलराम राय याद, देव बचत तथा रिण सहकारी संस्थाक लालविहारी साह, नेपाल पत्रकार महासंघके अध्यक्ष रविन्द्र प्रसाद साह लगायतके बक्तासव अपन मन्तव्य राखले रहे ।

गौर नगरवासीके नेपाल सरकारके अंगके रुपमे रहे कर्मचारी बनावेके आ वेरोजगारी दुर करेके उदेश्यसे राजदेवी मिडिया सेन्टरके आयोजना तथा गौर नगरपालिकाके सहयोगमे गौर नगरके २५ जने विद्यार्थीसवके सहभागीतामे एक महिने लोकसेवा आयोगके तयारी कक्ष संचालन भेल हए ।

कार्यक्रम आयोजक संस्थाके अध्यक्ष रामपुकरा राउतके अध्यक्षतामे सम्पन्न भेल रहे कार्यक्रममे स्वागत आयोज संस्थाके कोषाध्यक्ष विजय पटेल कएले रहलन त संचालन दिनेश संगम कएले रहे ।

LEAVE A REPLY

Please enter your comment!
Please enter your name here