जनकपुर , साओन १४ । चालु आर्थिक वर्षके नीति आ बजेट असार मसान्तभित्रे पारित करेके नियम रहल हए । लेकिन देशभरके ७ सय ५३ पालिका मध्ये अभितक ७ सय ११ पालिका मात्रे बजेट सार्वजनिक कएले हए । अभितक देशभरके ४२ गो पालिका बजेट पेश करे नसकल हए। जौनामे प्रदेश २ के सबसे जादा २९ गो रहल हए । संघीय सरकारके बारबार परिपत्र कएलाके बाद भि प्रदेश २ के २९ गो स्थानीय तह चालु आर्थिक वर्षके बजेट पारित करे नसकल हए । प्रदेश २ मे १ सय ३६ पालिका मध्ये १ सय ६ गोमे बजेट पेश हाखे सकल हए । १८ गो स्थानीय तहमेसे धनुषके कमला आ सबैला नगरपालिका बजेट लयावे नसकल हए । १५ गो स्थानीय तह रहल महोत्तरीमे नगर प्रमुख आ उपप्रमुखके विवादसे रामगोपालपुर नगरपालिकाभि बजेट लयावे नसकल हए । अइसहि सर्लाहीके बलरा,रामनगर नगरपालिका बजेट पेश करेके बाँकी है । तोकल समयके भित्र रौतहटके ,गुजरा,फतुवाबिजयपुर,बृन्दावन आ बौधीमाई नगरपालिका बजेट लयावे नसकल हैै । ओइसहि बाराके बारागढी आ सुवर्ण गाउँपालिका भि बजेट पेश नकरेके सुचिमे परल हए । १४ गाउँपालिका रहल पर्सामे कालिकामाई , जगरनाथपूर,ठोरी,धोबनी,पकहा मैनपुर,बिन्दबासिन ीआ सखुवा प्रसौनी गाउँपालिका भि बजेट लयावे जसकल है । १८ पालिका रहल सप्तरीमे १२ गो बजेट लायल हए त अभि ६ गो बाँकि रहल लेखा नियन्त्रण कार्याल जनएले हए । सप्तरीके छिन्नमस्ता, तिरहुत , बलान विहुल , राजगढ –बेल्ही ( चपेना) गाउँपालिका आ महादेव , सप्तकोश िनगरपालिका अभि तक बजेट नलायेल हए । वही मधये औरही , बरियारपट्टी आ विष्णुपुर गाँउपालिका आ कल्याणपुर नगरपालिका बजेट पारित नकएले हए । संघीय मामिला तथा सामान्य प्रसाशन मन्त्रालय हि असार मसान्ततक बजेट पेश आ पश नभेल पालिकाके विवरण अर्थ मन्त्रालय आ वित्त आयोगमे भेजले है । बजेट सभामे पेश करके पारित नहोखे तक खर्च करके नमिलइत आ खर्च होगल त उ अवैध होएके व्यवस्था रहल हए । बितल आर्थिक वर्षमे भि अइसहि कुछ पालिकासब बजेट नलयाकेहि खर्च कएले रहे । पहिलेके जइसन समस्या नहोएके चाहि कहइत अमकिबार केन्द्र सरकार बारबार परिपत्र कएलाके बाद भि पालिका सब टारमटेल देले हए ।

LEAVE A REPLY

Please enter your comment!
Please enter your name here