काठमाडौ , भादो २५ । अमेरिकी राष्ट्रपति डोनाल्ड ट्रम्प राष्ट्रिय सुरक्षा सल्लाहकार जोन बोल्टनके बर्खास्त कएले छत । इरान, अफगानिस्तान आ अन्य विश्वव्यापी चुनौतीसबके बारेमे मतभेद रहलाके बाद राष्ट्रपति ट्रम्प बोल्टनके बर्खास्त कएले छत । बोल्टन ट्रम्पके परराष्ट्र नीतिप्रति जनएले रहे । राष्ट्रपति ट्रम्प सामाजिक सञ्जाल ट्वीटरमार्फत जोन राजीनामा कएले पुष्टि कएले छत । बोल्टन सन् १०१८ के अप्रिलसे ट्रम्प प्रशांसनके सुरक्षा सल्लाहाकारके भूमिका निर्वाह कएले रहे । हुन माइक फलाइन आ एचआर म्याकमास्टर बाद राष्ट्रपति ट्रम्पके तिसरका सुरक्षा सल्लाहकार रएलन । संयुक्त राष्ट्र संघके महासभा शुरु हाएसे एक हप्ता पहिले सुरक्षा सल्लाहकार बोल्टनके राजीनामा आएलासे विश्व मञ्चमे ट्रम्प कठिनाइके सामाना करेके अनुमान कएलजारहल हए । बितल दिनसबमे बोल्टन आ विदेश सचिव माइक पोम्पेओ बीच राष्ट्रपति ट्रम्पके चाहना अनुसार विभिन्न देशके राष्ट्र प्रमुखसबसे कइसे वार्ता करावेके विषयमे तनाव बढल हए । इरानी राष्ट्रपतिसे वार्ताके लेल सहजिकरण नकएलाके कारण बोल्टनके बर्खास्त कएले बतावल जारहल हए । लेकिन बितल समय बोल्टन ह्वाइटहाउसके सुचना चोरावेके आरोप लागल अन्तर्राष्ट्रिय सञ्चार माध्यमसब जनएले हए । एजेन्सी

LEAVE A REPLY

Please enter your comment!
Please enter your name here