ज्नकपुर , आशिन , ३ । आजु सविधान दिवस देशभर विभिन्न कार्यक्रम करके भव्यताके साथ मनावल जारहल हए । सरकार आजु सविधान दिवसके अवसरमे सार्वजनिक विदा देले हए । आजु देश भर घर घरमे दिपावली मनावल जारहल हए त प्रदेश २ सरकार संविधान दिवस नमनएले हए । सत्तारुढ समाजवादी पार्टी संविधान दिवस नमनावेके निर्णय कएलाके बाद प्रदेश सरकार भि पिछे हटल हए । प्रदेश २ के आन्तरिक मामिला तथा कानुन मन्त्रालय संविधान दिवस ३ दिनतक भव्यताके साथ मनावे सूचना जारी कएलाके बाद भि बिफेके दिन भेल कार्यक्रम जनकपुरके जिरोमाइलसे लेके बसर्पाक तक सरसफाई आ डेंगु नियन्त्रण सम्बन्धी जनचेतना मुलुक कार्यक्रममे प्रदेशके मन्त्रीसब सहभागी नभेल । मुख्यमन्त्री लालबाबुु राउत संविधान दिवस मनावेके योजनामे रहलाके बाद भि अपने बीचमजधारमे परल मनाउ कि नमनाउ । एने हुन आवद्ध पार्टी समाजवादी पार्टी नेपाल संविधान दिवस नमनावेके आ कालो दिवसके रुपमे भि नमनावेके नीति लेयएलाकेृ बाद हुन पछारी हटगेल । प्रदेश २ के सत्तारुढ दल राजपा विरोध जनएले हए । स्थानीय तहके सरकार प्रमुख आ प्रदेशके मन्त्री आ सांसद भेल राजपासब विरोध जनएले हए । संविधान दिवसके दिन मधेशके जनतासब मारलगेलाके कारणसे हमनिसब विरोध कएले प्रदेशके भौतिक पूर्वाधारमन्त्री जितेन्द्र सोनालके भनाई हए ।

LEAVE A REPLY

Please enter your comment!
Please enter your name here