Wednesday, August 10, 2022

हेटौंडामा प्रदेशको यातायात पूर्वाधार निर्देशनालय

पछिल्लाे समाचार

रुस–युक्रेन युद्ध ः पुटिनके रोके के लेल बेलायत बनएले हए ६ बुँदे योजन

एजेन्सी । बेलायतके प्रधामन्त्री बोरिस जोन्सन युक्रेनो जारी रुकसे ‘भयानक’आक्रमण रोके के लेले विश्वके नेता सब प्रयास करइत बतएले छत ।न्युयोर्क टाइम्सके...

एमसीसी स्वीकार करके आगे बढु–प्रचण्ड

काठमाडौं ।। नेकपा माओवादी केन्द्रके अध्यक्ष पुष्पकमल दाहाल‘प्रचण्ड’पार्टीके जारी केन्द्रीय समितिके बैठकमे अमेरिकी सहयोग परियोजना एमसीसीके संसदसे भेल अनुमोदनके स्वीकर करके आगे...

हेटौंडा–हेटौंडा–११, थनाभर्याङमा बागमती प्रदेशको यातायात पूर्वाधार निर्देशनालय भवन उद्घाटन गरिएको छ । प्रदेशका मुख्यमन्त्री डोरमणि पौडेलले नवनिर्मित भवन उद्घाटन गरेका हुन् । कुल २ करोड ४४ लाख १७ हजार लागतमा निर्माण भएको भवन उद्घाटन गरिएको हो । ४ हजार ८ सय ८० वर्गफिट क्षेत्रफलमा फैलिएको जग्गामा निर्माण गरिएको भवनको १९ वटा कोठा छन् । दुई प्रयोगशाला, बैठक कोठासमेत भवनमा रहेको छ ।

उद्घाटन गर्दै मुख्यमन्त्री पौडेलले भवन प्रदेश सरकारका भवनमध्ये पहिलो भवन रहेको बताए । प्रदेशको भौतिक पूर्वाधार विकास मन्त्रालयले गत आर्थिक वर्षमा धेरै काम गरेको उनले बताए । काम गर्नका लागि पूर्वाधार पहिलो आवश्यकता रहेको बताउँदै मुख्यमन्त्री पौडेलले भने–काम गर्न कर्मचारीलाई अनुकूल वातावरण चाहिन्छ । त्यसैले भवन निर्माणका कामलाई प्रदेश सरकारले तीव्रता दिएको छ । आगामी आर्थिक वर्षमा पनि केही भवनका टेण्डर गर्ने तयारीमा छौं ।

उनले भने–यहाँ धेरै ठेकेदारले पूर्वाधार निर्माणको काम अलपत्र पार्ने गरेका छन् । हामीले योजना बनाएकै छौं । निर्माणको लागि ठेक्का सम्झौता गरेकै छौं । उनीहरु निर्माणको काम अलपत्र पारेर बेपत्ता हुन्छन् अनि जनताले सरकारले कामै गरेन भन्दै हामीमाथि नै आक्रोश पोख्ने गरेका छन् । उनले सरकारको काम नीति निर्माण गर्ने, योजना बनाउने भए पनि ती योजनाको कार्यान्वयन गर्ने जिम्मा कर्मचारी, निर्माण व्यवसायी र सरोकारवाला निकायको भएको बताए ।

कार्यक्रममा बागमती प्रदेशका भौतिक पूर्वाधार विकास मन्त्री रामेश्वर फँुयालले मुख्यमन्त्री पौडेल नेतृत्वको सरकारले ५ वर्षे कार्यकाल पूरा गर्ने बताए । प्रदेश तहमा राजनीतिक स्थिरता भएको भन्दै सरकार परिवर्तनको कुरा कल्पना पनि गर्न नसकिने भन्दै उनले प्रदेशमा नेकपा एमालेको स्पष्ट बहुमत भएको र आधिकारिकरुपमा नेकपा एमाले विभाजन नभएकाले मुख्यमन्त्री पौडेल नेतृत्वको सरकार यथावत् रहने दाबी गरे ।

केन्द्र सरकारमा नेतृत्व फेरबदल भएकोले प्रदेशमा सरकार परिवर्तनको हल्ला चल्नु स्वभाविक भए पनि हल्लाको पछि नलागी सरकारका राम्रा गतिविधिमा सहयोग पुर्याउन उनले कर्मचारी, राजनीतिक दल, नागरिक समाज र आम प्रदेशवासीलाई आग्रह गरे । पौडेल नेतृत्वको सरकारले शिक्षा, स्वास्थ्य, रोजगार, भौतिक पूर्वाधार, खानेपानी, बिजुली, कृषि क्षेत्रलगायत विकासको कामले तीव्रता पाएको उनको भनाइ छ । कार्यक्रममा जिल्ला समन्वय समिति मकवानपुर प्रमुख रघुनाथ खुलाललगायतले मन्तव्य व्यक्त गरेका थिए ।

लोकप्रिय

रुस–युक्रेन युद्ध ः पुटिनके रोके के लेल बेलायत बनएले हए ६ बुँदे योजन

एजेन्सी । बेलायतके प्रधामन्त्री बोरिस जोन्सन युक्रेनो जारी रुकसे ‘भयानक’आक्रमण रोके के लेले विश्वके नेता सब प्रयास करइत बतएले छत ।न्युयोर्क टाइम्सके...

एमसीसी स्वीकार करके आगे बढु–प्रचण्ड

काठमाडौं ।। नेकपा माओवादी केन्द्रके अध्यक्ष पुष्पकमल दाहाल‘प्रचण्ड’पार्टीके जारी केन्द्रीय समितिके बैठकमे अमेरिकी सहयोग परियोजना एमसीसीके संसदसे भेल अनुमोदनके स्वीकर करके आगे...