जनकपुर , साओन २७ । मुस्लिम धर्मालम्बीके महान पर्व बकर इद देशभमे मनावल जारहल हए । इदुल फित्र अर्थात रमजान पर्वके ७० औँ दिनमे बकर इद मनावेके धार्मिक विधि रहल हए । उही दिनमे मुस्लिम धर्मावलम्बीसब सबेरे नहाके लोगसबे मसिजद चाहि इदगाहमे जाके सामुहिक नमाज पढले । नमाज पढलाके बादमे एकआपसमे अङकमाल करइत शुभकामना अदानप्रदान करले । उही अवसरमे दरबारमार्गस्थित नेपाली जामे मस्जिद,काश्मिरी मस्जिदलगायत देशभरके मस्जिद चाहि इदगाहमे मुस्लिम धर्मालम्बीके भीर लागले । नेपाली मस्जिदके सचिव मन्सुर हुसेन नमाज पाठसहितके ध्यान कएलाके बाद साथीभाई बीच शुभकामना सटासाट करके घरमे कुर्वान (बली) देवेके विधान रहल बतावले । बलि देल खसीके मास तीन भाग लगाके एक भाग परिवारके भोजन केलेल ,एक भाग करकुटमके लेल आ एक भाग गरीबके देवेके विधान हए, हुन बतएलन । घण्टाघरस्थित नेपाली जामे मस्जिदमे सोमारके सबेरे ८ बजे से नमाज पढेके कार्यक्रम रहल रहे । यी पर्वके अवसरमे प्रदेश नंन २ आ ५ सरकार सार्वजनीक बिदा देवेके घोषण करचुकल हए । हिजारी पर्वके अनुसार १४३५ वष्र्न पहिले अल्लाहके आदेशके इब्राहिम अपन बेटा इस्माएल अलेह सलामके बलिदान करेके तयार रहल समझनामे यी पर्वके मनावे लागल राष्ट्रिय मुसिलम आयोगके पुर्वअध्यक्ष निर्दोष अली जानकारी देले छत । ‘अल्लाहके आदेश इब्र्राहिमके तोहर नजीकके प्यारा चीज कुर्वांन(बलिदान) दे कहले रहे ,ओहीअनुसार इस्माएल अलेह सलामके बलिदान देवेके तयार होलापर अल्लाह अपने आके परीक्षामे हागेले ् यी भेडाके बलिदान कर कहके आदेश देले रएलन , यीहे घटनाके अधारमे यी पर्व मनावेके शरु भेल ,पर्वके ऐतिहासिक पृष्ठभूमि बतावइत कहलन । मुस्लिम धर्म गुरु (मौलाना) रहमत अली ऐतिहासिक बकर इद पर्वके अधार बनल इब्राहिमके वंशमे सन् ५७१ म्े मक्कामे मोहम्मद सलल्ला जन्निमई निरन्तरता देवेके बतएलन । जवनासे यी पर्व एवम धर्मके पुस्तान्तर करेके महत्वपुर्ण यागदान करइत हदिस नामक धर्मग्रन्धके रचना कएले रहे । ‘जौन धर्मग्रन्धके रचना कएले रहे । जौन ग्रन्थके अभि तक मुस्लिम स्कुल मदरसामे पढावल जाले , मक्कामे जन्मल सलल्ला ५३ वर्षके उमरकेबाद मदिनामे गेल रहलन , यीहे यादमे अभि भि साउदी अरबमे परेवाला यी तीर्थस्थलमे बरका मेला लागले हुन कहलन । इद्य सोमारसे बुधके दिन तक तिन दिन तक मनावल जाले । बुधके दिन हि सूर्यास्चसे पहिले हि मुस्लिम धर्मावलम्बी बलि (कुर्वान) देवेके धार्मिक विधान रहल हए ।

0 0 votes
Article Rating
Subscribe
Notify of
guest
0 Comments
Inline Feedbacks
View all comments