रौतहट ।। बज्जिका भाषके बोलबम एलबम बम बम भोले भाग–२ एक कार्यक्रमके बीच विमोचन भेल हए । रेडियो मधेश मसला १०६.४ मृगाहर्जके कार्यालयमे रौतहट क्षेत्र नब्मर ३ प्रदेश ‘ख’के तत्कालिन संघिय समाजवादी पार्टाीके तर्फसे विधायक प्रत्यासी बृज किशोर प्रसाद यादवके प्रमुख खातिथ्यमे एलबमके पोष्टर सार्वजनिक करइत विमोचन कएल गेल हए । विमोचित एलबमके गित स्थानिय रेडियो मधेश मसलाके बज्जिका खबरसे पहिला बेर प्रशारण कएल गितमे नेपाली बज्जिकाके इतिहासके पहिला भक्ति गितमे गायक कुमार चन्दनके अवाज रहल हए ।
बिमोचन कार्यक्रममे रेडियो मधेश मसलाके मार्केटिङ्ग प्रमुख नागेन्द्र चौरसिया,बज्जिका भाषा सेवी तथा बज्जिका पत्रके सम्पादक किशुनदयाल यादव,बज्जिका गायक तथा लेखक सुरज नारायण झा,गायक रबिन्द्र कुमार,प्रभु महतो,युवा नेता दिपेन्द्र यादव लगायतके अन्य लोगके उपस्थिति रहल रहे । निर्माता मनोज कुमार चौधरी,निर्देशक राजेश्वर पाण्डे,शब्द सम्पादक सञ्जय मित्रके रहल हए । गितकारके रुपमे तपसी यादव आ कुमार चन्दन रहल हए । सिएन प्रोडक्सनके प्रस्तुती एलबम बम बम भोले भाग–२ नामके एलबममे मुलरुपसे मधेश समुदायमे लोप होइत जारहल लोक भाषके ध्यानमे रखइत गितके रचना कएल गेल हए
एसे पहिले गायक कुमार चन्दनके नेपालमे पहिला बज्जिका भक्ती एलबम बम बम भोले एलबम बिगत वर्षमे सार्वजनिक भेल रहे । उहे एलबमके दोसर संस्करणके रुपमे बम बम भोले भाग–२ एतवारके दिन विमोचन कएले हए । एसे पहिले अन्य भक्ती गित आ बज्जिका भाषाके गित गएले गायक पटेलेके गित बजारमे लोकप्रिय होएमे विश्वास कएले जारहल हए ।
